MBI 156 MIJË PERSONA TË INFEKTUAR ME COVID-19 NË 24 ORËT E FUNDIT NË SHBA

MBI 156 MIJË PERSONA TË INFEKTUAR ME COVID-19 NË 24 ORËT E FUNDIT NË SHBA

Numri i personave të vdekur nga koronavirusi në Shtetet e Bashkuara të Amerikës është rritur në 356.450, prej të cilëve 2.069 kanë humbur jetën në 24 orët e fundit, transmeton Insajderi.

SHBA vazhdon të mbetet vendi me numrin më të lartë të rasteve të konfirmuara dhe të viktimave.

Të dhënat nga faqja e internetit “Worldometer” tregojnë se në 24 orët e fundit, numri i të infektuarve me koronavirus në SHBA është rritur për 156.531, duke e çuar numrin e përgjithshëm në 20.619.032.

Ndërkaq, në mbarë vendin, deri më tani janë shëruar mbi 12.179.000 të infektuar, ndërsa numri i testeve ka shkuar në mbi 254,6 milionë.

Aktualisht, shteti i Kalifornisë është më i godituri në SHBA, me mbi 2,3 milionë raste të konfirmuara, ndërkohë që numri më i lartë i vdekjeve është regjistruar në New York, me gjithsej 38.145 viktima.

Pas SHBA-së, numrin më të madh të të infektuarve e kanë regjistruar India me mbi 10,31 milionë raste dhe Brazili me mbi 7,7 milionë.

editor

Related Articles

Leave a Reply

Your email address will not be published. Required fields are marked *