By Një nga katastrofat më të mëdha të botës moderne, Gaza dhe sulmi i nisur në 26 maj ndaj Rafahut, zona e fundit që ka mbetur jashtë kontrollit territorial të Izraelit. Rafahu është një zonë në kufirin me Egjiptin ku pjesa më e madhe e thuajse 2 mln banorëve të Gazës si pasojë e bombardimeve dhe shtyrjeve të ushtrisë izraelite janë grumbulluar në kampe humanitare ku kanë mbetur kryesisht gra dhe fëmijë. Gjithë pjesa e Sinait që kufizon kanalin e Suezit me zonën e Rafahut që deri në 30 km nga kufiri vijon të kontrollohet nga banda dhe grupe të armatosura, identiteti i të cilave është i vështirë.
Ata pyesin nëse e kemi parë imazhin e fëmijës pa kokë: E ke parë? Përtej murit që ndan Rafahun nga Egjipti, kjo është një pyetje e tmerrshme, makabre, e papërsëritshme.
Numri i të vdekurve nga sulmi i ushtrisë izraelite në kampin e personave të zhvendosur Tal as-Sulltan, në veriperëndim të Rafah, ka arritur në 45 persona të vrarë, përveç 200 ose më shumë të plagosur. Izraeli po shton sulmet e tij ajrore ditën e sotme në Rafah, pavarësisht protestave ndërkombëtare për bombardimet vdekjeprurëse të një kampi të mbushur me njerëz të zhvendosurve në qytet, që çoi në një takim urgjent të Këshillit të Sigurimit të OKB-së për të diskutuar situatën në atë sektor të Rripit të Gazës.
Ndërkohë Spanja, Norvegjia dhe Irlanda do të njohin zyrtarisht shtetin palestinez sot, gjatë një konference për shtyp në Bruksel, siç njoftuan javën e kaluar, duke shkaktuar një reagim të zemëruar nga qeveria izraelite.
Në terren, ekipet e AFP në qytet raportuan në orët e hershme të mëngjesit se bombardimet e reja ishin nisur në Rafah qendrore dhe perëndimore, në skajin jugor të Rripit të Gazës, ku ushtria izraelite ka kryer operacione tokësore që nga fillimi i majit.
Sulmet e reja ajrore erdhën në mes të protestave ndërkombëtare dhe dënimit të bombardimit të një kampi të personave të zhvendosur të dielën mbrëma, i cili vrau 45 njerëz dhe plagosi 249 të tjerë, sipas ministrisë së shëndetësisë së Gazës. Kryeministri izraelit Benjamin Netanyahu e quajti bombardimin një “aksident tragjik” . Ushtria izraelite tha se po hetonte vdekjen e civilëve pasi fillimisht tha se kishte shënjestruar dy komandantë të Hamasit me “municione precize”.
