By Ambasadori Mal Berisha sapo ka sjell në shqip një libër të antropologut amerikanë Karlton Kun të titulluar “Malet e Gjigantëve”. Studim racor dhe kulturori u dedikohet Gegëve të Shqipërisë së Veriut, kurse studiuesit e cilësuan si një libër të munguar për albanologjinë dhe antropologjinë shqiptare për më se 70 vite.
Ishte viti 1929, kur antropologu Carleton Coon ndërmori një ekspeditë të rëndësishme për shqiptarët, studimin racor dhe kulturor kushtuar Gegëve të Shqipërisë së Veriut. Antropologu jetoi për një vit duke ndarë terrenin me banorë të zonës ku kreu hulumtimin, mati trupat e shqiptarëve, i analizoi ato dhe argumentoi mbijetesën Iliro-Dardane – Dinarike të shqiptarëve Gegë në veri të vendit. Libri i titulluar “Malet e Gjigantëve” është sjell përmes një shqipeje të kulluar nga ambasadori Mal Berisha, që në prani të figurave të vyera të artit dhe kulturës, tregoi për vlerën e veçantë që ka ky studim në gjuhën amë. Studiuesit e cilësuan si një libër të munguar për albanologjinë dhe antropologjinë shqiptare për më se 70 vite, ndërsa vlerësuan kontributin e Coon për popullësinë shqiptare, duke theksuar kompleksitetin dhe diversitetin që i ka karakterizuar shqiptarët që nga kohërat e lashta.
Në fjalën e tij Profesor David Shankland u ndal te rëndësisa e kërkimeve antropologjike e Edith Dyrham, Margaret Hasluck në Shqipëri, të cilat Coon i ka parasysh te “Malet e Gjigantëve”. Sipas tij, këto tri figura përmes këndvështrime të ndryshme i kanë botës një pamje interesante për shqiptarët. Këta njerëz e konsiderojnë traditën shqiptare, etnografinë, historinë, si fenomen të njerëzimit.
Librin “Malet e Gjigantëve”, Avni Ponari e çmoi në veçanti si një botimi që do t’u shërbejë studuesve dhe të rinjve për të mësuar më tepër për historinë.
Studimi i matjeve antropologjike është kryer me 1067 shqiptarë, studim i cili nuk është përsëritur më që nga viti 1937, as në formë, as në masë spo dhe në shtrirje të tillë. © SYRI.net
