By “Me vullnet të lirë deklaroj: Unë, Lulzim Basha, deputet i Kuvendit të Shqipërisë, duke vlerësuar si të pamundur vijimin e punës në Kuvendin e Shqipërisë, në mbështetje të shkronjës ‘b’, pika 2, e nenit 71 të Kushtetutës, jap dorëheqjen e parevokueshme nga mandati si deputet në Kuvendin e Shqipërisë”.
Kjo është deklarata e dorëheqjes që ka firmosur kreu i Partisë Demokratike Lulzim Basha ditën e sotme, pasi Këshilli Kombëtar i PD vendosi unanimisht për djegien e mandateve.
Lulzim Basha, priti këtë të hënë 21 mars, për të konkretizuar hapin pas të premtuar ditë më parë, për ti dhënë fund krizës në PD.
Në mbledhjen me Kryesinë, ai komunikoi dorëheqjen si kryetar i Partisë Demokratike. Lulzim Basha në deklaratën e tij për mediat, tha se pavarësisht se bëri përpjekje për të mbajtur partinë të bashkuar nuk pati sukses.
Ai tha se këtë e hap e mori për t’i dhënë mundësinë PD për t’u ringritur. Nuk ka kthim pas! Nesër së bashku si qytetarë të lirë para Parlamentit, ora 10.00”, shkruan kreu i PD në Instagram duke publikuar edhe deklaratën e firmosur.
Vendimi u mor gjatë një mbledhje të Kryesisë së PD-së, Grupit Parlamentar dhe Kolegjit të kryetarëve të PD-së. Vendimi i Bashës vjen pas rezultatit në zgjedhjet e pjesshme lokale të 6 marsit, ku PD doli e treta në 5 nga 6 bashki.
Menjëherë pas shpalljes së rezultatit, disa nga personalitetet më të rëndësishme të PD-së që e përkrahnin Bashën si Grida Duma, Ervin Salianji, Agron Gjekmarkaj dhe Enkelejd Alibeaj kërkuan dorëheqjen e tij.
Përgjigja e Bashës ishte se do të merrej vendimi më i mirë për të ardhmen e PD-së, dhe se qëllimi është bashkimi i kësaj partie.
Partia Demokratike u nda në dy “pole”, ku një pjesë mbështesnin Berishën e një pjesë Bashën. Por rezultati i zgjedhjeve të 6 marsit e luhati mbështetjen ndaj Bashës.
