Ndahet nga jeta ish-Sekretarja amerikane e Shtetit, Madeleine Albright

Ndahet nga jeta ish-Sekretarja amerikane e Shtetit, Madeleine Albright

Madeleine Albright, gruaja e parë sekretare e shtetit të SHBA-së dhe mike e madhe e shqiptarëve, e cila ndihmoi në drejtimin e politikës së jashtme perëndimore pas Luftës së Ftohtë, ka vdekur. Ajo ishte 84 vjeç.

Albright ishte një figurë qendrore në administratën e Presidentit Bill Clinton, së pari shërbeu si ambasadore e SHBA në Kombet e Bashkuara përpara se të bëhej diplomatja më i lartë i vendit në mandatin e saj të dytë. Ajo mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik, u përpoq të reduktonte përhapjen e armëve bërthamore dhe mbrojti të drejtat e njeriut dhe demokracinë në të gjithë globin.

Albright është e njohur për rolin e saj kyç në negociatat në Rambuje mes palës shqiptare dhe asaj serb, që i paraprin fushatës së bombardimeve të NATO-s në Serbi.

Albright dhe Bill Clinton gjatë vizitës në Kosovë

Në qendër të Prishtinës, në një shesh që mban emrin e ish-sekretares amerikane, është edhe busti i saj, në shenjë nderimi për rolin e zonjës Albright për çlirimin e Kosovës, 22 vjet më parë.

Albright e ka vizituar Shqipërinë në vitin 2000, ku edhe mbajti një fjalim drejtuar Parlamentit shqiptar. Në vitin 1999, Albright vizitoi Kosovën për herë të parë, dhe u rikthye sërish në 2019, në kuadër të 20-vjetorit të çlirimit dhe hyrjes së trupave të NATO-s në Kosovë.

administrator

Related Articles

Leave a Reply

Your email address will not be published.