By Qindra vdekje në Kolumbinë Britanike lidhen me një valë nxehtësie që ka prekur Paqësorin Veriperëndimor për ditë me radhë dhe ka thyer rekordet e nxehtësisë Kanadeze.
Lisa Lapointe, kryeprokurorja e Kolumbisë Britanike, tha se 486 vdekje janë raportuar prej ditës së premtes dhe të mërkurës pasdite – një periudhë në të cilën normalisht do të dokumentoheshin rreth 165 vdekje. “Ndërsa është shumë herët për të thënë me siguri se sa prej këtyre vdekjeve janë të lidhura me nxehtësinë, besohet se ka të ngjarë që rritja e konsiderueshme e vdekjeve të raportuara t’i atribuohet motit ekstrem qe B.C. ka përjetuar së fundmi ”- tha ajo. Këtë vit, një studim zbuloi se 37 përqind e vdekjeve të lidhura me nxehtësinë ka të ngjarë të lidhen me ndryshimin e klimës. Ngrohja globale ka rritur temperaturat fillestare me gati 2 gradë Fahrenheit mesatarisht që nga viti 1900, thonë ekspertët.
“Ndryshimi i klimës po rrit frekuencën, intensitetin dhe kohëzgjatjen e valëve të nxehtësisë”, tha Kristie Ebi, një profesore në Qendrën për Shëndetin dhe Mjedisin Global në Universitetin e Uashingtonit. Edhe kryeministri i British Columbia, John Horgan, pranoi se mësimi i fundit është se kriza e klimës nuk është një trillim.
Vala e nxehtësisë në Kanada ka paraqitur një shqetësim real të shëndetit publik edhe pse autoritetet ende po përballen me sfidën e koronavirusit dhe Kanadezët sapo kanë filluar të shijojnë disa nga kënaqësitë e para të verës pas lehtësimit të kufizimeve. British Columbia theu rekordin e mëparshëm të nxehtësisë ekstreme; temperatura në Litton, një qytet i vogël në provincë, u ngjit në pak më shumë se 121 gradë.
Para nxehtësisë rekord të kësaj jave, hera e fundit që Kanadaja pa zhivën të ngrihej në lartësi të ngjashme ishte më 5 korrik 1937, kur temperatura arriti 113 gradë në fshatin e provincës së Saskatchewan.
Përshtatur sipas: The New York Times
