KANADA\ Tea Haxhillari, ekspertja shqiptare e pasurive të patundshme

KANADA\ Tea Haxhillari, ekspertja shqiptare e pasurive të patundshme

Toronto- Ontario
Kur bëhet fjalë për industrinë imobiliare, burrat mund të kenë dominuar historikisht industrinë, por e ardhmja është e femrave. Gratë kanë qenë pjesë e industrisë së pasurive të paluajtshme që nga fillimi, shpesh duke punuar më shumë në role administrative, por duke filluar nga fillimi i viteve 1900, gjithnjë e më shumë zonja filluan të bëheshin broker dhe agjente. Sot, gratë e suksesshme në Real Estate përfaqësojnë shumicën e industrisë dhe shumë prej tyre po avancojnë në pozicione drejtuese.


Industria Imobiliare u ofron grave mundësinë për përfitim ekonomik dhe avancim në karrierë. Tendencat aktuale tregojnë ndikimin që gratë kanë në industri dhe zbulojnë gjithashtu se ku ka vend për t’u përmirësuar. 
Tea Haxhillari është diplomuar për Komerc dhe Kontabilitet në Queens University në Kingston, Ontario. Pas përvojës së saj universitare, ajo pati mundësinë të përfundonte një Master të Dyfishtë në Menaxhim Global (Ivey Business School & London School of Economics). Prej nëntorit 2020, Haxhillari zotëron licensën e financieres të firmosur nga Chartered Professional Açountants of Canada (CPA Canada) e cila e ngre në karrierë të sigurtë në dallim nga çdo agjent tjetër.

Që nga kthimi i saj në Toronto, Tea ka punuar si agjente e shitblerjes. Në vitin 2020 ajo ka fituar çmimin “Rising Stars”, ndërsa nga viti 2021 klasifikohet në krye të listës për zyrën në të cilën punon. Tea ka studiuar në Angli, Singapor dhe Zvicër, dhe ka punuar me Suzlon Group në Indi dhe Daimler në Angli. Tea është Presidente e njërës prej shoqatave më aktive dhe më domethënëse në komunitetin shqiptar të Kanadasë, RH Scholarship.

Për të arritur suksese të mëdha natyrisht duhet një punë dhe angazhim i madh. Suksesi i saj nuk është rastësi. Është shume punë, këmbëngulje, mësim, studim, sakrificë dhe mbi të gjitha dashuri për atë që po bën. Të gjitha këto i ka bërë me kënaqësi, andaj sukseset nuk I kanë të ndalur.
Organizata RH Scholarship në Toronto të Kanadasë e themeluar në 2013 nga Rej (jurist pranë Hax Law) dhe Tea Haxhillari, përveç aktivitetit të saj të përvitshëm për promovimin e kulturës dhe artit shqiptar në Kanada, tashmë prej disa vitesh është angazhuar në evidentimin dhe promovimin e studentëve shqiptaro-kanadezë. Çdo  vit Organizata RH Scholarship në Toronto shpërnda bursa për studentët shqiptarë të shkëlqyer sipas së cilës arritjet e çdo studenti na bëjnë krenar dhe frymëzojnë studentët tjerë të arrijnë rezultate më të larta”. Në historikun e aktiviteteve nën firmën e Rh scholarship, numërohet Panairi I librit (me prezantimin e 15 autorëve shqiptaro-kanadezë), ekspozita personale e pikturës së Andrea Priftit, ekspozita fotografike të Marubit dhe më 8 tetor u prezantua dokumentari nga Bujar Alimani “Fluturat” (gratë e internuara në Gorisht të Lushnjës).

Gazetën 𝗔𝗠𝗣𝗿𝗲𝘀𝘀 mund ta lexoni në mënyrë elektronike këtu: 👇👇👇
https://issuu.com/…/ampress_newspaper_october_29_2022

administrator

Related Articles

Leave a Reply

Your email address will not be published.