By Manjola Nallbani dhe Silva Gunbardhi sjellin zërat e tyre të jashtëzakonshëm për komunitetin shqiptar në Kanada
AlbEvent Canada dhe Sofra Shqiptare Canada sjellin për herë të parë në Kanada dy nga këngëtaret më të dashura dhe të njohura për publikun shqiptar, Manjola Nallbani dhe Silva Gunbardhi. Në datat 1 dhe 2 nëntor, këngëtaret do të performojnë për komunitetin shqiptar në Toronto dhe Montreal, për të ngrohur zemrat në prag të festave të flamurit shqiptar.
Manjola Nallbani, një këngëtare e skenës së festivaleve shqiptare dhe mbajtëse e shumë trofeve, së bashku me Silva Gunbardhin, një tjetër zë i veçantë që ka ndriçuar aktivitetet shqipfolëse në mbarë botën, do të jenë pranë komunitetit shqiptar në Kanada për një seri koncertesh që do të sjellin muzikën folklorike dhe traditat shqiptare më afër publikut.
Ky event është një mundësi e veçantë jo vetëm për shqiptarët, por edhe për komunitetet e tjera, të cilët janë të mirëpritur për të shijuar një copëz nga kultura shqiptare. Të shoqëruar nga muzikanti i talentuar Gojard Kodra, këngëtaret do të performojnë në Toronto më 1 nëntor dhe në Montreal më 2 nëntor. Kjo është një ftesë e hapur për të gjithë familjet që të festojnë në mënyrë unike dhe krenare traditat shqiptare.
Për më shumë informacion dhe për të rezervuar vendet, të interesuarit mund të referohen tek posteri zyrtar i aktivitetit.
