By Për herë të parë shërbimi konsullor në Kanada nisi në fillim të muajit korrik shërbimin e pajisjes me pasaportë dhe kartë identiteti të shqiptarëve që banojnë në Kanada. Ditën e djeshme konsullata ka njoftuar se dokumentet për aplikimet e kryera deri në datën 8 korrik 2022 (përfshirë edhe këtë datë) janë gati dhe mund të tërhiqen.
Për tërheqjen e dokumenteve biometrikë, mund të paraqiteni pranë Zyrës Konsullore të ambasadës të hënë, të mërkurë dhe të premte nga ora 14:00 deri në orën 16:00.
Qytetarët që paraqiten në Përfaqësi për të tërhequr dokumentet biometrikë, duhet të kenë me vete pasaportën e skaduar të tyre dhe të çdo personi që rezulton në të njëjtën çertifikatë familjare dhe që ka aplikuar, gjithashtu.
Janë postuar të gjitha dokumentet për aplikimet e kryera deri në datën 8 korrik 2022, për të cilat ditën e aplikimit është dorëzuar pranë Zyrës Konsullore kuponi i shpërndarjes.
Sjellim në vëmendje se kartat ID të tërhequra me postë janë të pa aktivizuara elektronikisht, për rrjedhojë ato nuk mund të përdoren në shërbimin bankar në Shqipëri.
Dokumentat biometrike mund të tërhiqen brenda 1 viti nga dita e aplikimit, në rast të kundërt do të konsiderohen të refuzuar. /diasporashqiptare.al/
