By Jurgena Therçaj, e njohur me nofkën frymëzuese “Vajza e Biznesit”, shquhet si një nga emrat kryesuese të marketingut në organizatën Albanian Youth, ku kryeson rolin e zëvendëspresidentes së marketingut digjital. Me një kombinim rrallë modestie, kreativiteti dhe këmbëngulje, ajo ka shkruar një tregim suksesi të veshur me shkëlqim, duke u bërë një model për gjeneratën e re shqiptare. Si një talent që udhëheq me zemër, ajo dëshmon se ëndrrat mund të bëhen realitet me pasion dhe punë.
Para se të vendosej në Kanada për pesë vjet, Jurgena kishte një ëndërr që e mbante zgjuar natën: të ndërtonte një karrierë ndërkombëtare në zemrën e Kanadasë. Me pas kjo ëndërr, ju kthye në hapa konkretë, ku mori vizë shkolle për të studjuar dhe shijuar Kanadanë. Ky hap i guzimshëm jo vetëm që transformoi jetën e saj, por hapi dyert e reja në ambiciet per marketingun. Me një background akademik në fushën e hotelierisë, turizmit dhe komunikimit, ajo u bë lidere në promovimin e bizneseve në këto sektorë, duke ofruar shërbime marketingu nën emrin ‘Vajza e Biznesit’—një biznes i veçantë me identitet shqiptar, i rrënjosur në zemrën e Toronto. Biznesi i saj shquhet jo vetëm për suksesin në fushat e marketingut, por edhe për kualitetin e lartë të shërbimit, duke u bërë një referencë e besuar në treg. Të gjithë klientët i referojnë njëri-tjetrit këtë biznes, dhe sekreti i suksesit të tyre? Fuqia e fjalës dhe besimi në fuqinë e lidhjeve njerëzore.
Arsimimi për Jurgenën është themel i domosdoshem. Ajo gëzon një diplomë në Menaxhimin e Hotelerisë dhe Turizmit dhe një çertifikatë prestigjioze në marketing nga Kolegji George Brown në Toronto. Kjo bazë e fortë, e përforcuar me një etikë pune të palëkundur, e ka shtyrë atë të krijojë projekte të reja, ku dallohet pjesëmarrja e saj në Albanian Youth.
Fryma sipërmarrëse e Jurgenës lindi që në vitin 2018, kur themeloi biznesin e saj të parë në Tiranë. Kjo përvojë e hershme jo vetëm që forcoi aftësitë e saj organizative, por i dha fuqinë për të përballuar sfidat e marketingut global. Megjithëse e ndaloi këtë aventurë pas ardhjes në Kanada, sot ajo feston pesë vjet me sukses në tokën e panjohur. Rrugëtimi i saj nuk ka qenë i veshur me trëndafila—sfidat personale dhe familjare e kanë bërë atë më të vendosur dhe më të guximshme.
Në rolin e saj në NextGen Professionals Conference dhe Albanian Youth, Jurgena përdor ekspertizën e saj për t’i dhënë zë komunitetit shqiptar. Nga strategjitë kreative në rrjetet sociale deri te krijimi i historive të përmbajtjes, ajo beson se çdo markë ka një tregim unik. “Fokusi im është të ndihmoj të tjerët të shohin potencialin e tyre—jo vetëm të tregoj timin,” thotë ajo me një përvijim modestie.
Për Jurgenën, suksesi nuk matet me medalje, por me shenjat e lira që lë në shpirtrat e njerëzve. Me një filozofi të thjeshtë—“Ndriço të tjerët, dhe botës do t’i ndriçohen rrugët”—ajo punon pa pushim për të forcuar lidhjet në komunitet. Nga iniciativat lokale në Shqipëri deri te projektet globale në Kanada, Jurgena dëshmon se modesta, talenti dhe puna e palodhur janë çelësat e ndikimit të vërtetë.
Jurgena kur u pyet për një moto, ajo tha “Njerëzit që të gënjejnë, lëji pas dore; nga mundimet e rrugës, shpesh dalim më të fortë.” Kjo filozofi nuk është thjesht fjalë, është fryma që e ka udhëhequr atë në çdo hap, duke e bërë një ikonë frymëzuese për të gjithë ata që ndjekin ëndrrat e tyre me kurajë.
Në një botë ku marketingu shpesh reduktohet në numra, Jurgena Therçaj kujton se pas çdo strategjie duhet të ketë zemër—dhe kjo është pika ku ajo shkëlqen më shumë.
