I pari shqiptar në Cambridge, studenti ekselent nga Mati që u pranua në universitetin më prestigjioz të botës

I pari shqiptar në Cambridge, studenti ekselent nga Mati që u pranua në universitetin më prestigjioz të botës

Andi Reçi u lind në 1991 në qytetin e Burrelit ku mbaroi shkollën 9 vjecare me pas mbaroj gjimnazin në Tiranë prane “ Petro Nini Luarasi “ ku u dallua si nxenes ekselent në vitin 2011 fitoi bursë për shkollim në Angli dhe në vitin 2015 si student ekselence u pranua në “Gates Cambridge Scholars”.
Andi Reçi vendosi 12 vite më parë të vijonte studimet në Londër të Britanisë së Madhe. Inxhinieria kimike ishte një zgjedhje e imponuar nga tregu i punës në atë kohë, por kjo nuk e pengoi të arrinte rezultate të larta dhe të shkëlqente në fushën e tij.
“Andi Reçi është i pari “Gates Cambridge Scholar” nga Shqipëria. Ai do të bëjë një PhD në Inxhinieri Kimike. Projekti i tij kryesor do të fokusohet në aplikimin e Imazherisë së Rezonancës Magnetike në aplikime të reja të tilla si karakterizimi katalizator dhe rrjedhja e lëngjeve në materialet poroze. Këto kanë ndikim të drejtpërdrejtë në uljen e intensitetit të energjisë të proceseve dhe përmirësimin e efikasitetit të marrjes së hidrokarbureve nga shkëmbinjtë” – thuhet në faqen e universitetit aso kohe për studentin ekselent nga Mati.
Inxhinieria kimike ka qenë më tepër një zgjedhje e orientuar nga tregu i punës në atë kohë dhe nga mungesa e informacionit për fusha të tjera. Gjithsesi, dega më pëlqeu më shumë me kalimin e kohës, edhe pse ndryshimet e mëdha që ndodhën në kërkesë/ofertën për punë më kanë bërë që të ndryshoj drejtim kohët e fundit:- shprehet Andi.
Andi zgjodhi të vijojë të ndjekë orientimin e tregut duke iu kthyer kështu fushës së financave, të cilën e ka pasur dashuri të vjetër mes matematikës dhe programimit. Sot punon me kompaninë prestigjioze Goldman Sachs, në zhvillimin e algoritmeve për tregtinë e aksioneve të kompanive në burse.
Çdo doktoraturë fokusohet në detaje në një pjesë të vogel të kërkimit shkencor dhe ndonjëherë është e vështirë të shihet se sa i aplikueshëm është në jetën e përditshme. Gjithsesi, nëse më duhet ta përmbledh, mendoj se arritja kryesore ka qenë përshpejtimi i imazherisë së marrë nga rezonanca magnetike në ato nivele sa tani është e mundur të shihen më në detaje lëvizjet dhe përbërja e hidrokarbureve në materialet shkëmbore. Mund të keni dëgjuar për aplikimin e rezonancës magnetike në mjekësi. Në grupin tonë shkencor, ne përdornim rezonancën magnetike për të përparuar njohurinë në fushën e nxjerrjes dhe përpunimit të hidrokarbureve- thotë ai.
Andi Reçi është ndër të paktët Shqipëtar që ka mbaruar shkollën në Kembrixh të Anglisë ku sot jeton dhe punon në Mbretërinë e Bashkuar.

editor

Related Articles

Leave a Reply

Your email address will not be published. Required fields are marked *