By 
Fundjavën e kaluar, aktorja dhe skenaristja Kristen Wiig mirëpriti Dua Lipa në Saturday Night Live, ku ajo performoi live hitet e saja.
Ndërsa ishte në skenë duke kënduar këngën e saj të fundit “Levitating” ajo mbante të veshur një krijim Valentino Haute Couture 2020, së bashku me bizhuteritë nga Fabergé dhe një kapelë të madhe të krijuar nga Philip Treacy për shtëpinë italiane.
Kjo pamje dhe kjo kapelë në veçanti, ishte e mjaftueshme për të krijuar debat midis përdoruesve të mediave sociale.
E bërë nga pendët e strucit, kapelja lëviztë kur Dua performonte dhe shumë vunë re se ajo dukej si një kandil i madh deti, ku dhe ndriçimi gjithashtu luante një rol.
“Jam i hipnotizuar nga kapelja Dua Lipa në #SNL dhe tani e tutje do të mbajë çdo ditë në çdo thirrje në Zoom”. . ishte një nga komentet e bëra në performancën e Dua-s.
Duke vazhduar me temën e mbrëtërisë së kafshëve, Dua zgjodhi sërish dhe për paraqitjen e saj të dytë një fustan leopard i mrekullueshëm nga Azzedine Alaia i shoqëruar me geta të zeza dhe taka të larta klasike të zeza.
