By Në nder të Ditës Ndërkombëtare të Gruas, një event i veçantë u organizua për të festuar moshat e treta, anëtarë të organizatës jo-fitimprurëse “Meshan Çini”. Aktiviteti i mbushur me surpriza dhe momente emocionuese, ishte një mundësi e shkëlqyer për të njohur dhe vlerësuar bukurinë dhe forcën e gruas shqiptare në Kanada.
Eda Begeja Cini shprehet mjaft mirënjohëse ndaj të githë të angazhuarve për realizimin e eventit të saj. Dekori pranveror ndonëse bora ende s’ka shkrirë spikaste një flamur rozë ku lexoheshin fjalët “MC4GA – Empower Aging Gracefully Together – Gëzuar 8 Marsin”, një dhuratë e veçantë nga Bledar dhe Selena Cocoli, e cila do të mbetet shumë e dashur për të gjithë të pranishmit.
Festa u hap me një përshëndetje ekskluzive për grupin nga këngëtarja e njohur Merita Halili, e cila u shpreh me një mesazh të ngrohtë dhe falënderues, duke i dhuruar të pranishmëve një performancë të paharrueshme.
Pas kësaj, u shfaq një video e titulluar “Udhëtim Ndër Vitë”, ku përmes fotografive të rinisë dhe atyre aktuale, u pasqyrua bukuria dhe fisnikëria e zonjave të grupit, duke sjellë një pasqyrë të mrekullueshme të kalimit të kohës dhe fuqisë së gruas.
Ambasadorja e “MC4GA”, doktoreshë Holta Kellezi, e cila është gjithmonë e gatshme të kontribuojë, jo vetëm si individ, por edhe duke promovuar këtë nismë në shoqërinë e saj, mbështeti takimin me ushqimin shijshëm, e përgatitur deri në detaje nga restoranti “Clandestine”, si një dhuratë e bukur për nënat, falënderuar nga pronarët Edlira dhe Desareti.
Surprizat vazhduan me performancën e Redi Helia Comanit, valltares e grupit Shqiponjat e Vogla, e cila na kënaqi me vallëzimet dhe recitimet e saj. Ky ishte momenti i dytë që ajo e ofroi vullnetarisht talentin e saj për këtë ngjarje speciale, duke sjellë gjithmonë momente të mrekullueshme për të pranishmit.
Një tjetër moment i rëndësishëm ishte prezenca e konsullit të Kosovës në Kanada, z. Kadri Dakaj, i cili nderoi ngjarjen me praninë e tij. Fjalimi i tij, i mbushur me dashuri dhe vlerësim për brezin e tretë, shoqëruar me profesionalizëm dhe thjeshtësi, ishte një ndihmë e madhe për takimin.
Diana Lika, si gjithmonë, e pakursyer në ndihmën e saj financiare dhe shpirtërore, ishte e pranishme dhe mbështeti çdo event të rëndësishëm të grupit, duke kontribuar në suksesin e ngjarjes.
Festa do të ishte e paplotë pa tingujt e kitarës së artistit Xhosho Cuni, i cili me tingujt e tij magjikë nga Shkodra, solli një atmosferë të paharrueshme.
Gjithashtu, organizatorët falenderuan të gjithë vullnetarët që dhuruan kohën e tyre nga ditët e ngarkuara dhe ndihmuan ku ishte nevoja, përfshirë Vera Cupin, Merita Kafexhiun, Kadiri Sonila dhe Senela.
Gëzuar festat zonja të nderuara, nënat, gjyshet dhe mësuese të mrekullueshme!
