By Diaspora për Shqipërinë e Lirë i është drejtuar me një KËRKESË PUBLIKE KËSHILLIT TË MINISTRAVE lidhur me zgjatjen e vlefshmërisë së dokumenteve të identifikimit për regjistrim dhe votim nga diaspora në zgjedhjet Parlamentare 2025.
𝐃𝐫𝐞𝐣𝐭𝐮𝐚𝐫: Këshillit të Ministrave të Republikës së Shqipërisë
𝐏ë𝐫 𝐝𝐢𝐣𝐞𝐧𝐢:
Komisionit Qendror të Zgjedhjeve KQZ Shqiperi
Misionit të OSBE/ODIHR në Shqipëri
Në prag të zgjedhjeve Parlamentare të vitit 2025, me anë të kesaj kërkese publike, ne Diaspora për Shqipërinë e Lirë i drejtohemi Këshillit të Ministrave për të kërkuar zgjatjen e afateve të vlefshmërisë së dokumenteve të identifikimit (pasaportë dhe/ose kartë identiteti) për shtetasit shqiptare qe jetojnë jashtë vendit, në mënyrë që ata të mund të regjistrohen dhe të votojnë në zgjedhjet e ardhshme parlamentare.
𝐀𝐫𝐬𝐲𝐞𝐭𝐢𝐦𝐢 𝐢 𝐊ë𝐫𝐤𝐞𝐬ë𝐬:
𝟏. 𝐒𝐡𝐪𝐢𝐩𝐭𝐚𝐫ë 𝐭ë 𝐬𝐡𝐮𝐦𝐭ë 𝐦𝐞 𝐝𝐨𝐤𝐮𝐦𝐞𝐧𝐭𝐞 𝐭ë 𝐬𝐤𝐚𝐝𝐮𝐚𝐫𝐚:
Mijera emigrante shqiptarë në vende të ndryshme te botës kanë dokumente identifikimi që tashme janë të pavlefshme ose pritet të
skadojnë së shpejti. Kjo situatë perbën një pengesë të drejtpërdrejt për të drejtën kushtetuese të votës për qytetarët shqiptar që ndodhen jashtë territorit të vendit, duke perjashtuar në mënyrë të padrejtë një pjesë të konsiderueshme të diasporës nga procesi zgjedhor.
𝟐. 𝐏𝐚𝐦𝐮𝐧𝐝ë𝐬𝐢𝐚 𝐞 𝐦𝐚𝐫𝐫𝐣𝐞𝐬 𝐬ë 𝐝𝐨𝐤𝐮𝐦𝐞𝐧𝐭𝐞𝐯𝐞 𝐭ë 𝐫𝐞𝐣𝐚 𝐧ë 𝐤𝐨𝐡ë:
Emigrantët perballen me sfida të konsiderueshme për të rinovuar dokumentet e tyre, për shkak të distancave të mëdha nga përfaqesitë diplomatike dhe konsullatat shqiptare, kapacitetet e kufizuara të stafit në këto perfaqësi, dhe kohët e gjata të pritjes për të marrë dokumente të reja. Në shumë raste, qytetarët duhet të përballen me kosto të mëdha udhëtimi dhe procedura burokratike të zgjatura që nuk mund të perballohen nga të gjithë.
𝟑. 𝐏𝐞𝐫𝐟𝐬𝐡𝐢𝐫𝐣𝐚 𝐞 𝐃𝐢𝐚𝐬𝐩𝐨𝐫ë𝐬 𝐧ë 𝐩𝐫𝐨𝐜𝐞𝐬𝐢𝐧 𝐳𝐠𝐣𝐞𝐝𝐡𝐨𝐫:
Perfshirja e diasporës në zgjedhjet kombëtare është një detyrim kushtetues dhe një angazhim politik i qeverisë shqiptare. Duke qenë se një pjesë e madhe e qytetarëve tanë që jetojne jashtë vendit kanë dokumente identifikimi të skaduara, zgjatja e vlefshmërisë së këtyre dokumenteve për qellime votimi eshtë thelbësore për garantimin e të drejtës së tyre për të marrë pjesë në zgjedhje.
𝐊ë𝐫𝐤𝐞𝐬𝐚 𝐣𝐨𝐧ë: Në këto kushte, kërkojmë që Këshilli i Ministrave të ndërmarrë masa të menjëhershme për të 𝐳𝐠𝐣𝐚𝐭𝐮𝐫 𝐯𝐥𝐞𝐟𝐬𝐡𝐦ë𝐫𝐢𝐧ë 𝐞 𝐩𝐚𝐬𝐚𝐩𝐨𝐫𝐭𝐚𝐯𝐞 𝐝𝐡𝐞 𝐤𝐚𝐫𝐭𝐚𝐯𝐞 𝐭ë 𝐢𝐝𝐞𝐧𝐭𝐢𝐭𝐞𝐭𝐢𝐭 për qytetarët shqiptar që jetojnë jashtë vendit, të paktën deri në perfundimin e procesit zgjedhor të vitit 2025. Kjo masë do të sigurojë që çdo
qytetar shqiptar të ketë mundesinç e regjistrimit dhe votimit, duke shmangur përjashtimin e padrejtë nga ky proces demokratik.
Ne besojmë se ky veprim eshtë një hap i domosdoshëm për të garantuar një proces të drejtë dhe gjithëpërfshires zgjedhor, që respekton të drejtat kushtetuese të qytetarëve shqiptare, pavaresisht vendndodhjes së tyre.
Diaspora për Shqipërinë e Lirë.
