By Ish-presidenti Donald Trump ka mbërritur në zyrën e prokurorit të qarkut të Manhattanit në Manhatanin e poshtëm, ku ai është i arrestuar dhe në paraburgim policor përpara se të akuzohet për të.
CNN ka raportuar se Trump është nën arrest dhe në mbajtje policore. U raportua se ish-presidentit amerikan do t’i merren shenjat e gishtërinjve si pjesë e arrestimit. Pas kësaj ai u soll në sallën e gjykatës. Sipas CNN, ai nuk do të paraqitet me duar të lidhura, por do të jetë nën mbrojtjen konstante të forcave të rendit.
Ish-presidenti amerikan Donald Trump iu dorëzua autoriteteve në gjykatën e Lower Manhattan në Nju Jork sot në orën 14:15 me kohën lokale.
Ai duhet të përgjigjet për 35 akuza ende të fshehta për publikun.
Kjo është hera e parë në histori që një ish-president amerikan përballet me akuza penale.
Dhjetëra protestues pro Trump janë mbledhur tashmë para prokurorisë së Manhatanit, ku lideri i tyre pritet të paditet në orët e ardhshme. Ata vijnë nga Connecticut, Long Island dhe janë të mbështjellë me flamurin amerikan. Trump “është gjëja më e mirë që i ka ndodhur ndonjëherë këtij vendi, ai është fantastik”, thonë ata me krenari.
Ish-presidenti nuk u vu në pranga pas arrestimit të tij, pasi ai u mbajt nën mbrojtjen e vazhdueshme të forcave të rendit.
Para arrestimit, Trump i dërgoi një mesazh me anë të postës elektronike për të gjithë ndjekësit e tij, të titulluar “E-maili im i fundit para arrestimit”, ku ai u kërkoi përkrahësve të tij të ndihmojnë “në shpëtimin e Amerikës” duke bashkangjitur një link për mbledhje të fondeve.Ai e quajti ditën e sotme “një ditë tragjike për Republikën”, teksa shtoi se SHBA-ja po shndërrohet në një “vend marksist të botës së tretë”. Trump, 76-vjeçar, është ish-presidenti i parë amerikan që përballet me një çështje penale. Ish-presidenti republikan, i cili ka mohuar akuzat të cilat i ka quajtur “persekutim politik” dhe ka parashikuar se kjo do t’i dëmtojë demokratët në zgjedhjet e vitit 2024. Avokatët e Trump kanë thënë se ish-presidenti “nuk ka kryer asnjë krim” dhe se ata “do ta luftojnë fuqishëm këtë ndjekje politike në gjykatë”.
Cilat janë akuzat e mësuara deri më tani ndaj Trump?
Stormy Daniels, aktorja e filmave për të rritur, ka rrëfyer në 2016 se kishte një lidhje jashtëmartesore me ish-Presidentin e Amerikës Donald Trump. Në atë kohë, avokati i Trump, Michael Cohen i pagoi 130,000 dollarë Daniels që mos të fliste, gjë e cila kjo është e paligjshme.
Teksa Trump i kaloi pagesën Cohen në llogarinë bankare, transferta u bë me shënimin ‘tarifë ligjore’, por prokurorët thonë se kjo do të thotë që Trump falsifikon të dhënat, që është një kundravajtje penale në New York. Vetë Trump ka mohuar çdo akuzë dhe e ka konsideruar procesin një ‘gjueti shtrigash’.
Ish-presidenti Donald Trump u pa brenda gjykatës për herë të parë që nga arrestimi i tij zyrtar. Ai hyri brenda rreth 20 minuta pas prokurorit Alvin Bragg. Trump injoroi pyetjet nga mediat e mbledhura jashtë sallës së gjyqit, duke u drejtuar për t’u përballur me gjyqtarin në seancën me dyer të mbyllura. Ai u pa i ulur me ekipin e tij ligjor – Joe Tacopina, Susan Necheles dhe Todd Blanche – brenda sallës së gjyqit.
Presidenti Joe Biden është plotësisht i vetëdijshëm për akuzën e paraardhësit të tij dhe “natyrisht” është duke u apdejtuar në kohë reale me zhvillimet, por Shtëpia e Bardhë thekson se kjo nuk është fokusi i tij i vetëm për këtë ditë. Përmes një deklarate për mediet, sekretarja e shtypit e Shtëpisë së Bardhë, Karine Jean-Pierre deklaroi se: “Presidenti do të përqëndrohet te populli amerikan siç bën çdo ditë. Kjo nuk është diçka që është në fokus për të”.
Ish-presidenti Donald Trump tani është dorëzuar tek autoritetet amerikane dhe është zyrtarisht i arrestuar në New York. Kjo është hera e parë në historinë e SHBA-së që një president aktual apo ish-president vendoset në këtë pozicion. Sidoqoftë, krahas republikanëve dhe familjes së tij, të cilët e konsiderojnë arrestimin e ish-presidentit “persekutim politik”, përballë ambienteve të Gjykatës në Manhattan janë mbledhur qindra protestues për të kundërshtuar vendimin.
Teksa e gjithë bota është me sytë nga ish-presidenti amerikan Donald Trump, avokatja mbrojtëse, Julie Rendelman ka përshkruar atë që po ndodh brenda Gjykatës në Manhattan. Ajo thotë se zyrtarët, shërbimi sekret dhe oficerët e informatorëve të ligjit do të “sigurohen që gjithçka të jetë e sigurt”.
Nëse për një pjesë të mirë të opinionit publik arrestimi ishte i papritur, vetë Trump ishte në dijeni të kësaj situate dhe kjo u vu re në përshëndetjen me grusht përballë kamerave, si për të përforcuar atë çka iu tha më herët mbështetësve të tij përmes email-it zyrtar “ne sot vajtojmë për humbjen e drejtësisë në Amerikë”.
