By Përgatituni për një spektakël të paharruar Krishtlindjesh! Edicioni i 10-të i spektaklit tradicional “Krishtlindje në Tiranë 2024” do të sjellë një surprizë të veçantë për të gjithë adhuruesit e muzikës, me pjesëmarrjen e kantautorit legjendar italian, Alan Sorrenti. Me ftesë të producentit të njohur, Sokol Guga, Sorrenti do të shfaqet për herë të parë në këtë skenë festive, duke premtuar emocione të mëdha për të gjithë teleshikuesit.
Sipas traditës, spektakli do të transmetohet në Klan Plus, duke mbledhur rreth vetes artistë të njohur shqiptarë si Alma Bektashi, Leonora Poloska, Redon Makashi, Kamela Islamaj, Kejsi Tola dhe Vivien Biagioni. Në këtë vit jubilar, fokusi i producentit Guga është gjithashtu në promovimin e brezave të rinj të artistëve, duke krijuar një platformë të fuqishme bashkëpunimi midis tyre dhe yjeve të skenës.
Atmosfera do të ndizet, dhe premtimi për një super spektakël këtë vit është më i madh se kurrë!
