By Montreal- Kanada
Ndërsa Kryeministri Rama deklaroi sot se duke nisur nga data 1 maj, qytetarët shqiptarët nuk do të kenë më nevojë që të dalin nga shtëpitë, pasi do të gjejnë çdo shërbim online, zëra të tjerë nga Diaspora si Oli Pero shprehen se korrupsioni nuk është kurrë një veprim i izoluar individual. Në rastin tonë është një gangrenë e gjeneralizuar dhe nuk shqitet duke këputur 1 organ.
Dmth rrugë të mesme nuk ka.
Pra, ai punonjësi që jua paska plasë shpirtin te sporteli, sot e tutje do jua plasë online dhe s’do keni as ku të ankoheni për performancën e keqe, as për vonesën e shërbimit.
Pyetja nr. 1: Si do ia bëjnë të moshuarit që nuk mund t’i aksesojnë kollaj këto shërbime online? Ata që jetojnë vetëm dhe nuk kanë nipër dhe mbesa, t’ua bëjnë aplikimet në tablet? Po një njeri që nuk di shkrim e këndim, si do mund ta kërkojë të drejtën e vet online?
Pyetja nr. 2: Si zgjidhen çeshtjet e komplikuara, kur s’ke dikë përballë që ta pyesësh dhe as t’ua sqarosh?
Pyetja nr. 3: Duke qenë se puna do vazhdojë të bëhet me njerëz “prapa kuintave”, dhe këta qenkan burimi i problemit, sa shanse ka të vazhdojnë të jenë të tillë?
Nëse ata mund të zëvendësohen me më të mirë kur nuk e kryejnë detyrën si duhet, çfarë ju pengon t’i zëvendësoni më parë dhe të rrisni standardin e shërbimit?
Edhe në vendet më të zhvilluara, ku ka të paktën 10 vite që është implementuar shërbimi online, ka gjithmonë 1 zyrë apo sportel të hapur fizik për shërbimet ndaj qytetarëve. Është respekti minimal ndaj taksapaguesve të një shteti.
Për ta mbyllë, korrupsioni nuk është kurrë një veprim i izoluar individual. Në rastin tonë është një gangrenë e gjeneralizuar dhe nuk shqitet duke këputur 1 organ.
Mjaft me testime të tilla qesharake!
