Zgjedhja e presidentit, diaspora: Të hiqet kufizimi ‘të ketë jetuar 10 vitet e fundit në Shqipëri’

Zgjedhja e presidentit, diaspora: Të hiqet kufizimi ‘të ketë jetuar 10 vitet e fundit në Shqipëri’

Diaspora shqiptare nëpër botë kërkon që të kontribuojë më shumë në Shqipëri. Pas debatit për votën e diasporës, përfaqësues të emigrantëve tani janë përfshirë edhe në procesin e zgjedhjes së presidentit.

Duke folur në Edicionin e Pasdites në SYRI TV, me moderatoren Armela Ferko, në lidhje me këtë proces, ka folur Florjan Haçkaj, nga Diaspora për ‘Shqipërinë e Lirë’.

Haçkaj u shpreh se në Kushtetutë është një dispozitë që kufizon diasporën për të propozuar një emër, që është ajo se personi i propozuar duhet që të ketë jetuar për 10 vitet e fundit në Shqipëri.

‘Është një pengesë aty, që thotë se duhet të ketë jetuar pa ndërprje për 10 vitet e fundit në Shqipëri. Nuk e di se kush e propozoi dhe e vendosi këtë në vitin 1998, por ne kërkojmë që të hiqet ky kufizim.

Ka njerëz shumë të zotë dhe personalitete në diasporë, të cilët mund të kontribuojnë në mënyrën më të mirë të mundshme për Shqipërinë’, tha Florian Haçkaj.

Ndërsa duke komentuar deklaratat e sotme të Taulant Ballës, Haçkaj u shpreh se ‘ai këtë që e thotë sot, nuk e thotë nesër. Është thjeshtë një shfaqje, mashtrime nga ana e mazhorancës’, tha Florjan Haçkaj, nga Diaspora për ‘Shqipërinë e Lirë’.

© SYRI.net

administrator

Related Articles

Leave a Reply

Your email address will not be published.