By Numri i miliarderëve është rritur pothuajse në çdo vend të botës këtë vit, sipas listës së më të pasurve të revistës Forbes. Forbes shkruan se ka pasur ndryshime të rëndësishme në listën e vendeve ku jetojnë më shumë miliarderë, kështu që India hyri në top 3 pasi iu shtuan 19 miliarderë të rinj këtë vit dhe Italia ndërkohë ka hyrë në top 10.
Lista e miliarderëve për vitin 2021 përfshin 2.755 njerëz.
1. SHBA
Në Shtetet e Bashkuara jetojnë 724 miliarderë, të udhëhequr nga Elon Musk, shefi i Tesla dhe Space X. Pasuria e tij vlerësohet në 202.6 miliardë dollarë.
2. Kinë
Kina ka 626 miliarderë, të udhëhequr nga Zhong Shanshan, i cili drejton Nongfu Spring. Forbes vlerëson pasurinë e tij në 65 miliardë dollarë.
3. Indi
India ka 140 miliarderë, të udhëhequr nga Mukesh Ambani, i cili kryeson konglomeratin Rilajans Industries, me marrëveshje në telekomunikacion, shitje me pakicë dhe naftë e gaz. Ai ka një pasuri me vlerë 97.7 miliardë dollarë.
4. Gjermania
Gjermania ka 136 miliarderë, dhe më të pasurit mes tyre janë Beate Heister dhe Karl Albrecht Jr., të cilët janë trashëgimtarët e perandorisë tregtare Aldi. Ata kanë një pasuri prej 43.4 miliardë dollarësh.
5. Rusia
Rusia ka 117 miliarderë të kryesuar nga familja e Alexei Mordashov, ish-drejtor ekzekutiv i kompanisë së çelikut dhe minierave Severstal. Mordashov dhe familja e tij kanë një pasuri me vlerë 31 miliardë dollarë.
6. Hong Kongu
Hong Kongu ka 71 miliarderë, të udhëhequr nga Li Ka-shing. Ai është ish-president i CK Asset Holdings, i cili merret me prona të paluajtshme, si dhe i CK Hutchison Holdings, i cili ka punë në shitje me pakicë, infrastrukturë dhe shërbime portuale. Vlera e pasurisë së tij është 31.4 miliardë dollarë.
7. Brazili
Brazili ka 65 miliarderë, të udhëhequr nga bankieri i investimeve Jorge Paulo Lehmann dhe familja e tij. Ata kanë një pasuri prej 14.9 miliardë dollarësh.
8. Kanada
Kanadaja ka 64 miliarderë, të udhëhequr nga manjati i medias David Thomson dhe familja e tij. Thomsonët kanë pasuri me vlerë 50.9 miliardë dollarë.
9. Britania
Britania ka 56 miliarderë, të udhëhequr nga një inxhinier kimik që u bë financier, James Ratcliffe, pasuria e të cilit vlerësohet në 14.8 miliardë dollarë.
10. Itali
Në Itali jetojnë 51 miliarderë, më i pasuri prej të cilëve është Giovanni Ferrero, i cili është presidenti ekzekutiv i kompanisë me të njëjtin emër që prodhon çokollata. Asetet e Ferrero kapin vlerën e 34.1 miliardë dollarëve.
