Liderët zotohen ta kufizojnë ngritjen e temperaturës në 1.8 shkallë Celsius

Liderët zotohen ta kufizojnë ngritjen e temperaturës në 1.8 shkallë Celsius

Zotimi është dhënë në ditën e pestë të konferencës, ku fokusi më i madh ishte gjetja e zgjidhjeve alternative për reduktimin e varësisë nga prodhimi energjetik nga thëngjilli. Më shumë se 40 vende kanë marrë përsipër heqjen dorë prej përdorimit të thëngjillit. Megjithatë, vende si Kina, Australia dhe SHBA-ja nuk u janë bashkuar shteteve të tjera

Në Samitin e klimës në Glasgou, liderët e botës janë zotuar se do të marrin masa për reduktimin e ngritjes së temperaturës në 1.8 shkallë celsius.
Zotimi është dhënë në ditën e pestë të konferencës, ku fokusi më i madh ishte gjetja e zgjidhjeve alternative për reduktimin e varësisë nga prodhimi energjetik nga thëngjilli. Më shumë se 40 vende kanë marrë përsipër heqjen dorë prej përdorimit të thëngjillit.
Megjithatë, vende si Kina, Australia dhe SHBA-ja nuk u janë bashkuar shteteve të tjera. Samiti i klimës po mbahet në kohën kur bota po përballet me ngritje të madhe të energjisë elektrike dhe të gazit në kulmin e pandemisë së koronavirusit

Kokëfortësia kineze
Kina është një prej shteteve që nuk ka marrë zotime për reduktimin e emetimeve të dyoksidit të karbonit.
Në kohën kur liderët e botës janë mbledhur në Glasgou në Samitin e klimës me zotime për reduktim të shkallës së ndotjes, prodhimi kinez i thëngjillit po arrin shkallën më të lartë.
Në rajonin Shanxi në veri të vendit tri termocentrale me thëngjill po vazhdojnë punën. Por Kina nuk e ka ndërmend të heqë dorë nga prodhimi i energjisë elektrike nga thëngjilli, emetimet e të cilit shkaktojnë ngritjen e temperaturës së botës.
Madje mediumi britanik “Sky News” pretendon se në rajonin e Pekinit po ndërtohen dy impiante të reja. Ngritja e çmimit të thëngjillit ka vështirësuar edhe më shumë varësinë kineze të prodhimit të energjisë elektrike nga burimet që shkencëtarët thonë se po e shkaktojnë ndryshimin klimatik për shkak të dyoksidit të karbonit.
Por, derisa pjesa më e madhe e diskutimit në samitin e klimës është abstrakte, çështja e thëngjillit është kthyer si temë edhe në Britaninë e Madhe, shteti nikoqir i konferencës.
Një minierë e re në Cumbria, që mund të krijojë qindra vende të reja pune, po planifikohet që të ndërtohet.
Tani për tani, vendimi është në duar të inspektorëve, të cilët do të raportojnë para ministrave. Kryeministri Boris Johnson ka deklaruar gjatë konferencës se “nuk është në favor të më shumë thëngjillit”.
Por laburistët, në opozitë, kanë thënë se çështja e pazgjidhur e minierës së re britanike po dëmton imazhin e Britanisë në COP.

Shtatë milionë të vdekur në vit nga ajri i ndotur
Ndotja e ajrit vret më shumë se shtatë milionë njerëz në vit, thotë Dr. Jeni Miller e Aleancës Globale për Klimën dhe Shëndetin për BBC, kështu që heqja e karburanteve fosile dhe largimi nga qymyri është një “hap i parë fantastik”.
Ndryshimet klimatike po bëjnë shumë prej nesh, fizikisht dhe mendërisht, thotë ajo, duke treguar valët e të nxehtit në Kanada, zjarret në Australi dhe përmbytjet në Meksikë.
Ajo shton se shëndeti mendor i të rinjve po ndikohet nga shqetësimet rreth ndryshimeve klimatike dhe ata që kapeshin nga moti ekstrem shpesh mbetën me PTSD. Nëse çështja nuk trajtohet, është një skenar mjaft i tmerrshëm, paralajmëron ajo, por nëse ato mund të adresohen, ka përfitime për të gjithë ne.

administrator

Related Articles

Leave a Reply

Your email address will not be published. Required fields are marked *