By Nga Shani Pnishi
Ndërkohë që Kanadaja në tërësi po përballet me valën e tretë të pandemisë COVID- 19, ku më shumë e ku më pak krahina e Albertës raportoi 2048 raste të reja ditën e enjte, numri më i lartë në një ditë të vetme që kur nisi pandemia vitin e kaluar. Kryeministri i Albertës, Jason Kenney lajmëroi masa të tjera të cilat synojnë të ngadalësojnë përhapjen e virusit. Kufizimet do të qëndrojnë në fuqi për dy javë, edhe nëse në një qytet bie nën pragun e normës 350 raste gjatë asaj periudhe. Qytetet më të shenjëstruara janë: Edmonton, Calgary, Fort McMurray, Red Deer, Grande Prairie, Airdrie, Lethbridge dhe Strathcona County. Këto rajone do të kthehen në kufizimet në të gjithë krahinën pas dy javësh.
Kryeminstri Kenney lajmëroi qytetarët e Albertës që nëse numri i të të infektuarve dhe vdekjeve vazhdon të rritet do të ndërrmerren masa më të rrepta, duke përfshirë edhe gjëndjen e jashtëzakonshme, raporton gazeta “Edmonton Journal”.
Duke nisur që nga dita e premte, Alberta do të ndërmarrë masa më të rrepta për regjionet e prekura ku ka më shumë se 350 raste aktive për 100,000 banorë dhe të paktën 250 raste aktive në total, paralajmëroi Kenney gjatë një konference për shtyp.
Nën këto masa të gjitha shkollat fillore dhe të mesme do të fillojnë me mësimin online, ndërsa palestrat do të mbyllen në pjesën më të madhe të qyteteve të mëdha.
“Shpresoj që këto masa, së bashku me gjithçka tjetër që është vendosur, janë të mjaftueshme për parandalimin e mundshëm të këtij virusi. Nëse Albertanët i përgjigjen kësaj thirrjeje për kthesë në javët e ardhshme, ne besojmë në efektet e saj, por nëse nuk është kështu dhe nëse vazhdojmë të shohim nivelet aktuale të rritjes së infektimeve, atëherë do të shqyrtojmë sjelljen e kufizimeve shtesë.”- tha kryeministri në konferencën e djeshme për shtyp.
Pas rekordit të arritur, ekspertët e sëmundjeve infektive kanë përgëzuar vendimin e qeverisë së Albertës për të ulur moshën e atyre që përfitojnë marrjen e vaksinës AstraZeneca.
Qytetarët të cilët nuk pajtohen me masat e shëndetit rrezikojnë që të mos kenë mundësi të rinovojnë patentën e drejtimit të makinës apo të bëjnë të tjera veprime transaksioni në shërbimet e rregjistrimit nëse nuk paguajnë gjobat paraprakisht. “Kjo vlen për ata qytetarë të cilët nuk e kanë marrë seriozisht pandeminë dhe vazhdojnë të vendosin në rrezik jetën e të tjerëve duke mos respektuar urdhërat e Institucionit të Shëndetit Publik.
Vendimi për mbyllje në Alberta erdhi pikërisht në ditët kur pjesë të mëdha të Kanadasë po e përjetojnë fazën e tretë të “lockdownit”dhe kur ky shtet po përballet me rritje marramendëse të numrit të të infektuarve qoftë me variantin tashmë të njohur si COVID-19, qotë edhe me variantet e reja të virusit.
Sipas statistikës në në nivelin federal, në Kanada deri më tani janë konfirmuar rreth 1, 020,000 raste, kanë vdekur mbi 24, 169 persona dhe janë shëruar 1, 100 prej tyre.gazetaediaspores
