By Nga Shani Pnishi
Këngëtarja shqiptare që jeton në Kanada, Tringa Rexhepi ka zgjedhur pikërisht këto ditë para Ditës së Dashurisë të sjell një interpretiom ndryshe të këngës “Lemza” të këngëtares klasike shqiptare, Vaçe Zela. Tringa e zgjodhi këngën e Vaçe Zelës, për një arsye të thjeshtë që e dinë të gjithë, ajo e do shumë këgëtaren në fjalë, dhe është rritur duke i interpretuar këngët e saj. “Deri tani kam sjellë më shumë balada e desha ta interpretoja një këngë pak më ritmike me humor që nuk është aq shumë e njohur, dhe duke e patur parasysh faktin se kënga është është kënduar pikërisht në Festivalin e Parë të Këngës në RTSH, pra në rininë e hershme të këngëtares”- thotë Tringa për gazetën “Diaspora Shqiptare”.
Ky interpretim vjen pas këngës “ Moj e bukur Arbëri” që ajo e ka plasuar më 28 nëntor- Ditën Kombëtare Shqiptare, dhe përzgjedhja e kësaj këngeje ritmike ka ardhur si rezultat i shtytjes së saj që muzika shqiptare të dëgjohet nga audienca kanadeze, me qëllimin fisnik që muzika jonë e bukur të shijohet edhe nga të tjerët, pos nesh.
Tringa tregon se shumë shpejt do të vie një projekt i saj i rëndësishëm, pjesë e së cilës është edhe kjo këngë. “Këtë këngë e dua shumë! Teksti është i mbushur me humor, me ndjenjat e dashurisë së re. Për mendimin tim kjo këngë i takon rinisë që i ka këto ndjenja për herë të parë, por edhe për çiftet që janë bashkë për vite e dekada, të cilët përmes kësaj këngjeje mund t’’i kujtojnë fluturat e para të dashurisë së tyre”.
Ajo gjithashtu tregon se në qytetin ku jeton, Toronto, aktualisht shkaku i pandemisë COVID-19 qyteti është thuajse tërësisht i izoluar, dhe meqë “nuk kemi mundësi të realizojmë video- klipe ose të punojmë me orkestra të ndryshme në studio, unë e gjeta mënyrën më të mirë për të bashkëpunuar me muzikantin dhe bashkeshortin tim, Scott Christian. Nuk dua ta ndaj artin nga pandemia, edhe pse nuk kam mundësi ta realizoj ashtu siç edhe e meriton kënga, sepse siç edhe mund ta dini unë jam pak “perfectionist”, por në këtë situatë jam mësuar ta relaksoj plasimin e muzikës sipas mundësive dhe improvizimeve të rastit”- thekson ajo.
Sikur edhe në një rastet tjera, ajo ka theksuar se ndjehet krenare që po ia prezanton audiencës kanadeze kulturën dhe artin shqiptar.\gazetadiaspora\
