Rita Ora i dedikon Pavarësisë së Kosovës gjithë albumin

Ndërkohë që mediat merren ende me ditëlindjen e saj në kushte Covidi, Rita punon. Ajo ka gati albumin e ri muzikor që do të bëhet publik në 12 shkurt, fiks në kohë si dhuratë për Pavarësinë e Kosovës.
Këngëtarja shqiptare ka zgjedhur të promovojë veshjet e veriut të Shqipërisë dhe ja si do të duket.
Albumi do të quhet “Bang” dhe porositë për ta pasur kanë filluar para kohe. Ajo ka bashkëpunuar për këngët me Imanbek, David Guetta, Gunna dhe Khea.
Vetë Rita shfaqet kuqezi në promon e albumit dhe në një postim falënderon stilin shqiptar n Kosov, Valdrin Sahitin që i realizoi veshjen popullore në kohë, për festën e Kosovës.
Rita nuk e ka fshehur asnjëherë nga vjen dhe vazhdimisht e ka promovuar vendin e saj.