By Justin Trudeau deklaroi të hënën e 6 janarit se do të japë dorëheqjen si kryeministër i Kanadasë. Në këto rrethana, ai ka dhënë dorëheqjen si kryetar i Partisë Liberale e cila është në pushtet, ndërsa do të vijojë të mbajë detyrën si kryeminsitër i Kanadasë, deri sa të zgjidhet pasardhësi i tij.
“Unë do të jap dorëheqjen si lider partie, si kryeministër, pasi partia të zgjedhë liderin e saj të ri” u tha 53-vjeçari gazetarëve në një konferencë shtypi në Otava këtë të hënën.
Trudeau do të mbetet kryeministër në detyrën e kujdestarit derisa të zgjidhet një udhëheqës i ri.
Në vazhdim të konferencës së tij për shtyp, 53-vjeçari shtoi se pavarësisht se është “luftëtar”, parlamenti të cilit i shërben është i “paralizuar” nën drejtimin e tij.
“Gjatë pushimeve. Kam pasur gjithashtu mundësinë që të reflektoj dhe kam pasur biseda të gjata me familjen time për të ardhmen tonë. Unë synoj të jap dorëheqjen si kryeministër i partisë, pasi partia të zgjedhë liderin e saj të ardhshëm përmes një procesi të fortë konkurrues mbarëkombëtar”, theksoi ai.
Kujtojmë që, Trudeau ka udhëhequr partinë që nga viti 2013 dhe ka qenë kryeministër që nga viti 2015.
Me vlerësimet gjithnjë e më të luhatshme të popullaritetit, prej muajsh kryeministri kanadez ka pësuar një kolaps të vërtetë në imazhin e tij, për shkak të rritjes së mprehtë të kostos së jetesës, mungesës së banesave të përballueshme dhe përkeqësimit të shërbimeve publike.
Ai konfirmoi po ashtu raportimet se foli me guvernatoren e përgjithshme të Kanadasë, Mary Simon këtë mëngjes dhe i kërkoi asaj të pezullonte parlamentin.
Trudeau thotë se Kanadaja meriton një “zgjedhje të vërtetë” në zgjedhjet e ardhshme, të cilat mund të zhvillohen në çdo moment përpara 20 tetorit, dhe “është bërë e qartë për mua se nëse më duhet të luftoj beteja të brendshme, nuk mund të jem alternativa më e mirë në ato zgjedhje”.
Tre partitë kryesore të opozitës, përfshirë ish-aleatin socialdemokrat, Partinë e Re Demokratike (NPD), kanë njoftuar një mocion mosbesimi në dhomën e ulët, ku Partia Liberale është në pakicë, kur seancat parlamentare të rifillojnë më 27 janar, që synojnë rrëzimin e qeverisë dhe detyrimin e shpalljes së zgjedhjeve të parakohshme.
Një emërim, tashmë më se i mundshëm, në të cilin Partia Liberale kërkon të prezantohet me një kandidat të ri.
Ndër favoritët për ta pasuar janë dy gra: Ministrja aktuale e Jashtme, Melanie Jull, dhe ish-ministrja e Financave Chrystia Freeland, e cila u largua nga qeveria në dhjetor, duke kritikuar Trudeau-n.
Atëherë do të hapej rruga për votim të parakohshëm ose në çdo rast për një fushatë shumë të ashpër në funksion të zgjedhjeve të përgjithshme tetorin e ardhshëm.
Pikërisht në vitin në të cilin Kanadaja merr presidencën e rradhës të G7-ës: samiti i liderëve të shtatë ekonomive më të përparuara në botë do të mbahet në Alberta qershorin e ardhshëm.
