By Rado Canada Visa është një kompani imigracioni me bazë në Kanada, e themeluar nga Dr. Klodian Rado, i cili emigroi vetë nga Shqipëria dhe dëshiron të japë ndihmë për komunitetin e tij. Përveç vendeve të tjera, kompania jonë vepron edhe në Shqipëri, duke qenë në kontakt të përditshëm me realitetin shqiptar.
Gjatë viteve, kemi njohur shumë studentë të zellshëm dhe ambiciozë nga Shqipëria, dhe besojmë se ata janë çelësi për të ardhmen e ndritur të Shqipërisë. Për këtë arsye, Rado Canada Visa ofron tre Bursa të Ekselencës për të mbuluar plotësisht tarifat e mësimdhënies për tre studentë të dalluar shqiptarë.
Jemi të ngazëllyer për të mbështetur ëndrrat e këtyre udhëheqësve të ardhshëm, dhe jemi të bindur se ata do të bëjnë ndryshimin në fushat e tyre dhe do të kontribuojnë në shoqëri. Qëllimi ynë është të kemi një ndikim të qëndrueshëm në suksesin jo vetëm të këtyre studentëve, por të gjithë Shqipërisë.
Gjithashtu, shpresojmë që individë të tjerë ose kompani do të bashkohen me ne në këtë nismë për të rritur mbështetjen për më shumë studentë, ose të paktën nisma jonë do të frymëzojë kompani të tjera për të ndihmuar më shumë studentë të arrijnë ëndrrat e tyre.
Rado Canada Visa ofron Bursat e Ekselencës:
1) Bursa e Parë: 3000 CAD
2) Bursa e Dytë: 2000 CAD
3) Bursa e Tretë: 1000 CAD
Kriteret për aplikim:
1. Të jeni shtetas shqiptar ose me kombësi shqiptare. dhe të jetoni në Shqipëri.
2. Të jeni në vitin e fundit të shkollës së mesme ose të jeni student të regjistruar në bachelor,master apo doktoraturë për Vjeshtë 2023.
3. Nuk ka kërkesa specifike për mesataren.
4. T’i përgjigjeni 4 pyetjeve-ese të shkurtra në formularin e aplikimit.
Dokumentat e nevojshme:
1. Formulari i plotësuar i aplikimit për cmimin në gjuhën shqipe ose angleze, të cilin e gjeni në këtë link: https://forms.gle/hRt88cDmWTVS7vP39
2. Certifikata e notave të shkollës.
3. Prova e qënies aktualisht student (vërtetim nga sekretaria e shkollës).
Afati:
Afati i fundit për aplikim shtyhet deri me 30 Qershor 2023 për shkak të kërkesave të larta. Aplikantët e suksesshëm do të njoftohen deri më 10 Korrik 2023.
