By Dolce Noche Event do të mirëpresë artdashësit shqiptarë në Montreal në recitalin e të mirënjohurve Alban Skënderaj dhe Miriam Cani. Çifti i artistëve, mjaft i dashur për publikun anekënd botës, do të performojnë këtë fundjavë në Montreal më 19 shkurt.
Pas suksesit absolut të fundjavës së kaluar në Toronto, ku koncerti mori përmasa të jashtëzakonshme feste, Alban Skënderaj dhe Miriam Cani kthehen edhe një herë për kënaqësinë e bashkëatdhetarëve në Quebec. Këngë, atmosferë, kujtime, nostalgji, muzikë, festë dhe shumë surpriza, Dolce Noche Event është kujdesur më së miri të kaloni një natë të paharruar.
Në pjesën e parë të mbrëmjes, violinisti i talentuar Kristian Gusho do të sjellë muzikë klasike me një repertor të kuruar nga arti shqiptar.
Për koncertin e së dielës, biletat me zgjedhje vendi tashmë janë shitur të gjitha, por duke marrë parasysh kërkesat, Dolce Noche Event njofton se është mundësia të shtojë hapësira të reja për ndjekësit e shoë-t, çdo bilete përfshin karrige, por pa përcaktim vendi me Çmimin 70$/biletë.
Të dielën, më 19 shkurt, në 19:00, në Théâtre Paradoxe, 5959 Bd Monk, Montréal, QC H4E 3H5, për të përjetuar emocione të paharruara.
Kontaktoni në (438) 873 4738 ose DM Messenger/Instagram.
