By Aktivisti shqiptar që jeton e punon mes Kanadasë dhe SHBA-së, Nador Bakalli duke folur në ‘Task Force’ në SYRI TV me Sonila Meçon, është shprehur se komuniteti shqiptar është i shqetësuar për atë që po ndodh në Shqipëri.
Bakalli ka treguar në SYRI TV, se gjatë kësaj jave do të vendoset një kontakt me kongresmenin Jim Jordan, i cili është në krye të Komisionit të Kongresit të SHBA-së, që po heton skandalin McGonigal, ku bën pjesë edhe Edi Rama.
‘Këtë javë do të marrim kontakt me Jim Jordan, kongresmeni që është në krye të komisionit të Kongresit që po heton çështjen McGonigal, me qëllimin e qartë për ti thënë të vërtetat siç janë në sy.
Pra, qeveria është kjo, shteti është ky, korrupsioni është ky.
Që çdo pjesë e hetimit që ka të bëjë me shtetin tonë, të mos jetë në errësirë, por të dalë në dritë, që të zbardhet se çfarë ka bërë ai njeri, sepse është në interesin më të mirë të Shqipërisë dhe taksapaguesve amerikanë, pasi është investuar shumë në atë Reformë në Drejtësi’, u shpreh Nador Bakalli në SYRI TV.
