By Gratë dhe vajzat kanë dal sot në protestë në Tiranë me rastin e Ditës Ndërkombëtare të Gruas për të shpërndarë mesazhe për brazinë gjinore dhe kundër dhunës ndaj grave.
Një instalacion me titullin “Këpucët e kuqe” është vendosur në sheshin “Skënderbej” në Tiranë. Këpucët simbolizojnë gratë e vrara, kurse ngjyra e kuqe, gjakun e derdhur. Ndërkohë, studentet e Fakultetit të Shkencave Sociale kanë marshuar drejt Ministrisë së Arsimit, duke kërkuar barazi gjinore. Kujtojmë se emrat e rrugëve të kryeqytetit një prej mbrëmjeve të janarit u zëvendësuan në mënyrë simbolike me emrat e 20 grave të cilat përgjatë vitit që lamë pas ishin viktima të dhunës së bashkëshortëve të tyre, nismë e ndërmarrë nga një grup aktivistësh. Viti 2021 u mbyll me një bilanc tragjik grash të vrara, ndërsa u pasua sërish me ngjarje të tjera gjatë 2022-shit.
Dita Ndërkombëtare e Gruas 2022 – Data, historia, rëndësia dhe tema e këtij viti
Nuk është sekret se e ardhmja është e femrës dhe muaji mars shënohet si Muaji i Historisë së Gruas në të gjithë globin, ku Dita Ndërkombëtare e Gruas përkujton arritjet kulturore, politike dhe socio-ekonomike të grave. Dita shënon një thirrje për një botë të barabartë gjinore – pa paragjykime, stereotipe dhe diskriminim dhe një botë që është e larmishme, e barabartë, përfshirëse ndërsa dallimet vlerësohen dhe festohen. Çdo vit, Dita Ndërkombëtare e Gruas festohet më 8 Mars.
Historia
Sipas Organizatës së Kombeve të Bashkuara për Arsim, Shkencë dhe Kulturë, Dita Ndërkombëtare e Gruas doli për herë të parë nga aktivitetet e lëvizjeve punëtore në fund të shekullit të XX (njëzet) në të gjithë Amerikën e Veriut dhe Evropën. UNESCO thotë, “Dita e parë Kombëtare e Gruas u festua në Shtetet e Bashkuara më 28 shkurt 1909, të cilën Partia Socialiste e Amerikës ia kushtoi për nder të grevës së punëtorëve të veshjeve të vitit 1908 në New York, ku gratë protestuan kundër kushteve të vështira të punës. Në vitin 1917 gratë në Rusi zgjodhën të protestojnë nën sloganin ‘Bukë dhe paqe’ të dielën e fundit të shkurtit (e cila binte në 8 mars sipas kalendarit Gregorian). Lëvizja e tyre përfundimisht çoi në miratimin e të drejtës së votës së grave në Rusi”.
