By Tre vjet më pare nisi rrugëtimin përpjekja e disa aktivistëve me vendbanim jashtë Shqipërisë për të ndryshuar organizimin, axhendën dhe artikulimin e Diasporës shqiptare në raport me zhvillimet politike në Shqipëri, veçanërisht ndaj përqëndrimit të pushtetit dhe rregjimit propagandistik të instaluar në vend. Kjo qasje shpejt do të përqafohej edhe nga shumë bashkëatdhetare e bashkëatdhetarë, të cilët frymojnë për lirinë, për të qenë ajo që është sot lëvizja “Diaspora për Shqipërinë e Lirë”.
Ne tre vjet, kjo lëvizje e shtrirë në dhjetra vende të botës ku shqiptarët kanë ndërtuar me dinjitet e respekt jetën e tyre shoqërore, familjare e profesionale, është angazhuar në beteja të vogla e të mëdha në luftën e saj për një Shqipëri më demokratike e më të mirë, e cila nuk mund të jetë kurre e plotë pa përfshirjen aktive të diasporës në jetën e vendit.
Ky përvjetor na gjen mirënjohës dhe falënderues ndaj çdo mbështetëse e mbështetësi të aktivizimit e kauzave tona dhe më këmbëngulës për të rritur ndjeshmërinë e shqiptarëve rreth transparencës dhe llogaridhënies së atyre që i qeverisin, ndaj rëndësisë së angazhimit politik dhe artikulimit të të drejtave të tyre.
Sot jemi të motivuar për ti rikthyer shpresën dhe dinjitetin qytetarëve me punë të qëndrueshme, për tu bërë katalizatori i ndryshimeve në vend si dhe për të bërë diferencën me vlerat e akumuluara përgjatë vitesh eksperiencë në vende demokratike.
Në këtë kontekst, kemi bindjen se përfshirja e Diasporës në jetën politike dhe elektorale ne Shqiperi është detyrim qytetar.
3 vjetori dhe angazhimi politik i Lëvizjes
