By Toronto u bë fundjavën e kaluar epiqendra e kinematografisë shqiptare me premierën e shumëpritur të filmit “Njerëz dhe Fate 2”, organizuar nga RH Scholarship. Pas 20 vitesh, historia e dashur për publikun shqiptar rikthehet në një version filmik, duke risjellë emocionet dhe kujtimet e një prej prodhimeve më të suksesshme në historinë e kinemasë shqiptare.
Premiera e filmit, e cila u shfaq në të gjitha kinematë, mblodh një audiencë të gjerë që e ka pritur me padurim këtë rikthim. RH Scholarship, i njohur për përpjekjet e tij në ruajtjen dhe promovimin e kulturës shqiptare në diasporë, e solli këtë ngjarje të veçantë për komunitetin shqiptar në Toronto, duke e kthyer në një traditë të padiskutueshme prezantimin e filmit shqiptar në Kanada.
Producenti dhe njëherazi aktori kryesor i filmit, Arben Derhemi, ndau një mesazh inkurajues me publikun shqiptaro-kanadez përmes një videoje, duke shprehur mirënjohjen e tij për interesimin e madh dhe përkrahjen e vazhdueshme.
Filmi u prit me duartrokitje të zjarrta në përfundim të shfaqjes, një dëshmi e ndikimit të fortë emocional që kjo histori vazhdon të ketë te publiku, edhe pas dy dekadash.
RH Scholarship vazhdon të mbështesë dhe promovojë artin dhe kulturën shqiptare, duke krijuar ura lidhëse mes Shqipërisë dhe diasporës përmes kinematografisë dhe iniciativave kulturore.
