By Po po, Taku është ai që mendoni të gjithë ju që është. Është ai që më ka shpallur armik, votues rebel dhe reaksionar, qartësisht kundër njehsimit me sinergjinë e nënës sonë të madhe, asaj që na jep ngrohtësi të përjetshme, dielli i lindjes shqiptare, Partisë Socialiste të Shqipërisë.
Unë ja dola! E gjeta engjëllin tim mbrojtës. Një foto e Takut pas “lali Erit” tek Pazari i Ri i dha hov shpresave të mia dhe konfirmoi bekimin e tij si engjëll I Partisë. Taku im krenohet se punon në Agjensinë Kombëtare të Burimeve Natyrore. Pra, ditën është ambientalist, natën fuks patronazhist. Si fenomen, Taku është tipiku i një grupi njerëzish qe rilindja e sotme i ka me një bollëk të admirueshëm. Taku nuk e ka problem të survejojë jetët e të tjerëve. Kjo e bën atë të ndjehet I fuqishëm, burrëror, rilindas mbi rilindasit! Ai merr energji duke kullotur sytë mbi të dhënat personale të dynjasë dhe madje duke I pasuruar ato me informacione shtesë, si fryt i punës hulumtuese alla-rilindase të cilën Taku e bën me pasion. Ai nuk e ka problem të fuse hundët aty ku nuk i takon, madje e ka shqisën e nuhatjes më të fortë se cdo qen tjetër, qoftë gjahu apo antidroge (megjithëse duhet thënë se qëntë e antidrogës rilindase lenë pak për të dëshiruar kur shikon si kalojnë poshtë hundës së tyre tonelatat).
As veshët e Takut nuk mbeten prapa, përkundrazi, ato kalibrohen që të kapin cdo pëshpërime, kudo dhe nga kushdo, në mënyrë që Partia të ketë informacion të imët për cdo klithmë të subjektit të survejuar. Taku di vendin e punës, di a je emigrant apo jo, di numrin personal të indentifikimit, atësinë, adresën e banimit, cështjet e legalizimit, frustrimet e mundshme, a kë dëshira punësimi në shtet, e kështu me radhë. Duke qenë pa shtyllë kurrizore dhe pa bosht moral të qëndrueshëm, ai përdridhet si një zhapik i zhdërvjellët nëpër konstruktin shoqëror dhe mbledh copëza dijesh nga jetët e të tjerëve për ti dhënë partisë panoramën e qartë ideologjike. Ai nuk e ka problem të të takojë ditën dhe të shkëmbejë grimca muhabetesh me ty, për të vazhduar natën me hulumtimin tënd dhe raportimin e duhur në Parti rreth teje. Takun për shembull e gjen komisioner të Partisë në qendrën time të votimit dhe kur shkon për të votuar i shtrëngon dorën dhe e përshëndet përzemërsisht. Ai të shtrëngon dorën dhe të buzëqesh. Deri këtu jemi në rregull por ti nuk je në dijeni se Taku në proces e sipër të ka zhbiriluar nga maja e këpucës deri tek koka. Cdo detaj vlen. Partia kërkon detaje. Detajet përkthehen ne dobësi! Dobësitë përkthehen në mundësi! Ky është mentaliteti I qindra Takëve në listën e turpit. Por ky mentalitet nuk lindi nga inteligjenca e Takëve, përkundrazi, ata janë hallka e padijes që zbaton qorrazi udhëzimet që kanë të njejtin format dhe vijnë nga udhëheqja. Udhëzimet pëmblidhen tashmë në një traditë të pandryshuar 76 vjecare, e nisur në vitin e mbrapshtë 1945: Jetët e të tjerëve kanë rëndësi parësore!
P.S. Më poshtë do të gjeni një ekstrakt të punës biografike të “Takëve”. Meqë ra fjala, Taku im njihet ndryshe si Spartak Maci!
