By Spektakli i pushimit të ndeshjes së Super Bowl regjistroi një rekord shumë të veçantë: këngëtarët që elektrizuan publikun në mesin e finales së futbollit amerikan, duke u shndërruar në spektaklin më të vjetër në moshë në këtë event.
Dr Dre, Snoop Dogg, Kendrick Lamar, Mary J. Blige, Eminem dhe 50 Cent elektrizuan publikun me hitet e tyre përgjatë viteve, në një spektakël që zgjati thuajse 15 minuta. Dhe ashtu ndodhi. Performanca e tyre u prit shumë mirë nga publiku, duke u konsideruar nëpër rrjetet sociale si më e mira në historinë e eventit më të madh sportiv në SHBA. “Still D.R.E.”, “Family Affair” dhe “Lose Yourself”, ishin disa nga këngët që iu ofruan publikut.
Skuadra e Los Angeles Rams fitoi finalen e madhe të Super Bowl, pas triumfit 23-20 ndaj Cincinnati Bengals, ndeshje e luajtur në “SoFi Stadium”, shtëpia e Rams.
Ky është suksesi i dytë në histori për ekipin kalifornian, që triumfon sërish në Super Bowl pas 22 vitesh. Një ndeshje e hapur deri në sekondën e fundit, ku rezultati u përmbys dy herë dhe fitorja e skuadrës së Rams u vendos 1’25” nga fundi, falë një “touchdown”.
Finalja nr.56 e Super Bowl ishte një spektakël i vërtetë për 70 mijë shikuesit, që ndoqën një ndeshje të rivalizuar deri në fund. Skuadra e Rams e nis më mirë ndeshjen, ku falë Beckham e Kupp arrijnë të shkëputen 13-3.
Nga ky moment në fushë dominojnë Bengals, që arrijnë të rikuperojnë, fillimisht 13-10 e më pas përmbysin 17-13 falë Higgins e McPhearson. Për Rams dëmtohet Beckham, por ai që udhëheq skuadrën drejt një përmbysje të paimagjinueshme është Kupp, që realizon pikët e fitores për ekipin nga Los Angeles. Skuadra e Bengals tenton të rikuperojë, por pa sukses, duke nisur kështu festa e Rams.
