By Spektakli madhështor “Shën Tereza, Shqiptarja e Gjithë Botës” rikthehet me edicionin e tij të katërt, duke mbledhur shqiptarët e suksesshëm nga e gjithë bota për të nderuar shenjtëreshën e madhe. Për herë të parë, ky event i veçantë do të zhvillohet në Luginën e Preshevës, një rajon i dashur dhe i rëndësishëm për shqiptarët kudo që ndodhen.
Pas përfundimit të edicionit festiv “Krishtlindje në Tiranë”, producenti i mirënjohur Sokol Guga ka nisur përgatitjet për këtë spektakël të jashtëzakonshëm, që do të shërbejë si një platformë nderimi për figura shqiptare që kanë spikatur me arritjet e tyre në fusha të ndryshme.
Kush do të nderohet këtë vit?
Çmimi prestigjioz “Nënë Tereza” do t’u ndahet 12 personaliteteve që kanë dhënë kontribut të jashtëzakonshëm në shoqëri. Emrat e parë që kanë dalë në dritë përfshijnë ish-presidentin kroat Stipe Mesic dhe Z. Idris Sulejmani, një patriot dhe aktivist i shquar shqiptar, i njohur për ndihmën e tij në kauza sociale dhe kombëtare.
Trofeu i këtij edicioni është dizenjuar nga skenografi i njohur shqiptar, Bledar Gërcaliu, i cili gjithashtu do të kujdeset për skenografinë e spektaklit, duke i shtuar eventit një pamje unike dhe të veçantë.
Ku dhe si do të transmetohet?
Televizioni Kombëtar Klan Plus ka siguruar të drejtat ekskluzive për transmetimin e këtij spektakli madhështor, falë bashkëpunimit shumëvjeçar me producentin Sokol Guga dhe Guga Production.
Eventi pritet të jetë një tjetër sukses magjepsës i Guga Production, duke pasqyruar profesionalizmin dhe pasionin që ka shoqëruar çdo realizim të këtij producenti të talentuar.
Presim me padurim këtë edicion të katërt të “Shën Tereza, Shqiptarja e Gjithë Botës”, që do të jetë një homazh për krenarinë dhe sukseset shqiptare anembanë globit.
