By Toronto- Ontario
Java e kulturës në Toronto pati në fokus edhe filmin komik “2 gisht mjaltë 2”. Fundjavën e kaluar në Innis College në Toronto, RH Scholarship organizoi dy shfaqje premierë të filmit-komedi “2 gisht mjaltë 2” me regji të Emir Khalilzadeh dhe Ermal Mamaqi.
Në vazhdën e prezantimit të kinematografisë shqiptare, e kthyer tashmë traditë nga RH Scholarship, të shtunën e javës që lamë pas prezantoi për publikun shqiptar, komedinë e famshme dhe mjaft moderne “2 gisht mjaltë 2”.
Me gjithë padurimin e publikut të përzgjedhur për të kaluar një mbrëmje me të qeshura të pafundme, qershia mbi tortë e takimit ishte ardhja e aktorit dhe producentit të filmit, Ermal Mamaqi.
Me gjithë vëmendjen e përshkuar anekënd kinemave të Shqipërisë por edhe Diasporës, filmi u shfaq në 2 orare të ndryshme, duke u dhënë mundësinë audiencës së komunitetit të ndiqnin komedinë por edhe takimin nga afër me aktorin e preferuar shqiptar i cili vinte me herë të parë në Kanada.
Pas batutave që shkëmbente me spektatorin, mentorimit të jetës së biznesit, këshillave për marketimin në jetën moderne, zbulimin e prapaskenave më të panjohurat mbi xhirimet e filmit, Mamaqi ndau suksesin e tij të fundit me simpatizantët në Toronto. Reklamës së prezantimit të filmit dhe takimin me producentin, nuk do të mungonin edhe shqiptarë të ardhur nga provinca të ndryshme të Kandasë, dhe jo më pak ata nga Quebec.
Mamaqi u njoh edhe me një grup artadashësish nga metropoli frankofon, Montreal. Ai u ndje mjaft i surprizuar që shqiptarët kishin udhëtuar deri 7 orë më makinë për të patur mundësinë të ndiqnin filmin e tij por edhe ta takonin. I shprehur i lumtur se kjo e motivon për të sjellë projekte të tjera akoma më tërheqëse për publikun, Ermali u dha kohën të gjithë të pranishmëve ta takonin, të shkëmbentë batuta por edhe foto.
RH Scholarship po kthehet në një patentë e organizimit të eventeve e takimeve me mjaft konsideratë nga komuniteti shqiptar.
Nga Blerina Ruka/ Albanian Montreal Press
