“Quo Vadis Aida?“ Aktori shqiptar nominohet për OSCAR 2021

“Quo Vadis Aida?“ Aktori shqiptar nominohet për OSCAR 2021

Filmi boshnjak i cili trajton temën e luftës në Srebrenicë, është nominuar në kategorinë “International Feature Film” në Akademinë e Çmimeve Oscars.

Në listën e nominimeve të çmimeve Oscars 2021 është bërë pjesë edhe filmi boshnjak “Quo Vadis Aida?”, ku luan edhe aktori shqiptar, Alban Ukaj. Filmi “Quo Vadis Aida?”, i bazuar në një histori të vërtetë, trajton temën e luftës së Srebrenicës, është nominuar në kategorinë “International Feature Film” në Akademinë e Çmimeve Oscars.
Përmes një njoftimi në faqen zyrtare por edhe nga produksioni i filmit, lajmi është ndarë në rrjetet sociale, ku ka marrë shumë urime nga publiku që jo vetëm ka ndjekur filmin, por edhe nga ai që e njeh mirë dramën e cila është bërë frymëzim për filmin.“Quo Vadis, Aida?” tregon fabulën e një përkthyeseje ndërkombëtare, e cila ka shërbyer në periudhën e luftës në Bosnjë dhe Hercegovinë. Edhe aktori shqiptar nga Kosova, Alban Ukaj, luan rolin e përkthyesit.
Filmi është realizuar në vitin 2020, me regji dhe skenar të Jasmila Zbanic.

Filmi i autores nga Bosnja dhe Hercegovina, Jasmila Zhbaniç “Quo vadis, Aida?”, i cili flet për gjenocidin e Srebrenicës, u nominua për çmimin prestigjioz Oscar në kategorinë e filmit më të mirë jashtë botës anglishtfolëse.

Përveç filmit boshnjak, në garën për titullin e filmit më të mirë të huaj ishin gjithashtu filmat: ”Another Round” (Danimarkë), “Better Days” (Hong Kong), “Collective” (Rumani), “The Man Who Sold His Skin” (Tunizi)

Ajo që mund të thuhet është se një sukses i tillë i filmit “Quo vadis, Aida?” ishte gjithashtu i pritshëm, duke marrë parasysh se filmi i Jasmila Zhbaniç hasi në vlerësime shumë pozitive, dhe tashmë është shënuar si një nga favoritët për Oscar. Këtë e konfirmojnë nominimet dhe çmimet në shumë festivale të tjera prestigjioze.
“Quo Vadis, Aida?”, është film i bazuar në ngjarje të vërtetë, të një përkthyeseje ndërkombëtare e cila ka shërbyer në periudhën e luftës në Bosnjë dhe Hercegovinë.
Ndarja e çmimeve Oscar do të bëhet me 26 prill 2021. Ky është edicioni i 93 i ndarjes së çmimeve për filmat më të mirë.

editor

Related Articles

Leave a Reply

Your email address will not be published. Required fields are marked *