By Zyrtarët raportuan më shumë se 9,200 raste të reja me COVID-19 në ditën e Krishtlindjes.
Kryeministri i Quebec François Legault, paralajmëroi për javë të vështira në vijim pasi zyrtarët raportuan më shumë se 10,000 raste të reja COVID-19, një rekord të ri ditor dhe ndërkohë vetëm 9,206 raste në ditën e Krishtlindjes.
“Varianti Omicron është më ngjitës se çdo gjë që është parë që nga fillimi i pandemisë,” theksoi Legault edhe gjatë mesazhit për Krishtlindje.
Legault u bëri thirrje qytetarëve sërish për kujdesin ndaj atyre që takojnë.
“Javët e ardhshme do të jenë të vështira”, shkroi Legault. “Do të jetë shumë e rëndësishme të vazhdojmë përpjekjet tona dhe të qëndrojmë së bashku, edhe nëse jemi të lodhur.”
Provinca e Quebec shtrëngoi kufizimet këtë javë, duke shkurtuar mbledhjet familjare në gjashtë persona. Baret, kinematë, palestrat dhe vendet argëtuese u urdhëruan të mbyllen papritur në fillim të kësaj jave, ndërsa restorantet u lejuan të qëndrojnë të hapura me kapacitet 50 përqind me një orar të rreptë deri në 22:00 të mbrëmjes.
“Pasojat e masave të reja (shëndetësore) në restorante do të jenë të rëndësishme”, tha Fitzgibbon Ministri i Ekonomisë, në një deklaratë. “Ne patëm diskutime me përfaqësuesit e tyre dhe ishte e qartë se duhej të reduktohej frekuentimi.”
Quebec ka forcuar gjithashtu rregullat në shtëpitë e kujdesit afatgjatë dhe në rezidencat e të moshuarve. Banorët e shtëpive të kujdesit afatgjatë nuk do të lejohen të largohen për takime festash private dhe do të lejohen vetëm një vizitor në ditë. Daljet janë ende të lejuara në rezidencat e të moshuarve, por banorëve do të lejohen vetëm maksimumi katër vizitorë në ditë për periudhën e pushimeve.
Zyrtarët thonë se ditët e fundit numrat ditorë ka të ngjarë të nënvlerësohen sepse qendrat e testimit të provincës janë të mbingarkuara dhe nuk mund të vazhdojnë me kërkesën.
