By 27 Qershori i vitit 1944 do të shënonte fillimin e masakrave mbi shqiptarët e Çamërisë.
Sivjet përkujtohet 77 vjetori i dhunës ndaj shqiptarëve dhe me ligj kjo ditë në Shqipëri është “Dita e gjenocidit ndaj shqiptarëve të Çamërisë nga shovinistët grekë”.
Në kuadër të këtij përkujtimi aktualisht po zhvillohet “Java Çame” e organizuar nga Shoqata Patriotike Çamëria dhe Partia Drejtësi, Integrim dhe Unitet (PDIU), e cila zgjat nga data 21 deri më 27 Qershor, 2021.
Lëvizja gjen rastin të shprehë përkrahje për të gjitha aktivitetet në kuadër të “Javës Çame”, sic janë ekspozita me fotografi dhe punime të tjera, promovime librash, konferenca dhe ceremoni të tjera përkujtimore në Tiranë dhe qytete të tjera të vendit.
I ftojmë qytetarët të bëhen pjesë dhe të ndjekin aktivitetet e organizuara, për të mësuar më shumë rreth çështjës Çame dhe për të kontribuar në edukimin e brezave.
Një numër i madh çështjesh mbeten të pazgjidhura për komunitetin çam, duke filluar nga pronat dhe toponimet, për të vazhduar me trajtimin e duhur historik dhe për të përfunduar deri tek rehabilitimi moral dhe material i të dëmtuarve.
Lëvizja solidarizohet plotësisht me kauzat e drejta të shqiptarëve të Çamërisë dhe I kërkon politikës të ngrihet në lartësinë e duhur dhe të lerë mënjanë heshtjen dhe hezitimin ndaj çështjes Çame.
Të gjithë jemi Çamëria!
