Luiza Gega shkruan historinë, medalje e artë në Europianin e Atletikës në 3000 metra me pengesa

Luiza Gega shkruan historinë, medalje e artë në Europianin e Atletikës në 3000 metra me pengesa

Luiza Gega kampione Europe në 3000 metra me pengesa. Atletja kuqezi ngjitet në majën e kontinentit dhe bëhet e para shqiptare që regjistron një arritje të tillë. Ajo e preu finishin me kohën 9:11:31, në një garë që e dominoi nga starti e deri në fund. Një rezultat i jashtëzakonshëm për Gegën dhe atletikën shqiptare, që ngjitet në majën e Europës. 
Për të kuptuar diferencën e madhe me garueset që kompletuan podiumin, mjafton të shikojmë vendin e dytë të gjermanes Meyer me rreth 4 sekonda më shumë dhe të tretin e britanikes Bird me kohën 9:23:18.

E PABESUESHME/ Luiza Gega kampione Europe në 3000 metra me pengesa (VIDEO)

Kampionia u kualifikua në finale me me kohën më të mirë të regjistruar në fazën kualifikuese dhe ishte pretendente kryesore për të fituar këtë garë.

E PABESUESHME/ Luiza Gega kampione Europe në 3000 metra me pengesa (VIDEO)

Ajo i respektoi të gjitha parashikimet dhe në mbrëmjen magjike të Mynihut, Gega dha një leksion të vërtetë sporti duke drejtuar një garë ku fitoren nuk e vendosi asnjëherë në dyshim.

E PABESUESHME/ Luiza Gega kampione Europe në 3000 metra me pengesa (VIDEO)

Fitorja e dytë e mbrëmjes është edhe rekordi europian që vendos Gega me kohën e saj duke zbritur nga froni rusen Zaripova që e mbante rekordin që prej vitit 2010. Po këtë vit, Luiza Gega u shpall kampione edhe në Lojrat Mesdhetare, Oran 2022, ndërsa në Botërorin e SHBA-së arriti të ngjitej deri në vendin e pestë, një tjetër arritje e madhe për sportin e atletikës në Shqipëri që falë 34-vjeçares po regjistron arritjet më të mëdha të historisë.

E PABESUESHME/ Luiza Gega kampione Europe në 3000 metra me pengesa (VIDEO)

Pas triumfit historik në Gjermani, Gega bëri një xhiro të gjatë me lotë në sy dhe flamurin shqiptar mbi shpatullat e saj. Një motiv mjaft i madh krenarie për të gjithë shqiptarët, në çdo cep të globit!

administrator

Related Articles