By Lara Colturi shkruan historinë e sportit shqiptar, duke u shpallur kampione bote për të reja në ski.
Talentja 16-vjeçare, ka dominuar në disiplinën Super G në pistën e Saint Anton të Austrisë. Ajo la pas zvicerianen Grob dhe italianen Calaba duke triumfuar midis 37 konkurenteve. Ekipi kombëtar i Skive është prej disa ditësh në St.Anton me një ekip të plotë me 2 meshkuj Denni Xhepa dhe Kevin Qerimi dhe 2 femra Lara Kolturi dhe Chiara Di Camillo. Në ditën e parë Lara Colturi u shpall Kampione Bote për moshat nën 18 në DownHill, ndërsa sot mori vendin e parë në klasifikimin e përgjithshëm. Lara do të garojë edhe në Gjigand më datë 21 Janar dhe më pas do ti drejtohet Kronplatzit për ndalesën e radhës në Kupën e Botës. Do jenë 2 gara më 24-25 Janar ku Lara do të konsolidoje top30 në këtë disiplinë të Kupës së Botës.
Përsa i përket pjesës tjetër të ekipit ata do të konkurojnë deri më datë 25 ku është edhe finalja e Sllallomit për meshkuj.
Vajza e kampiones italiane Daniela Ceccarelli, që mori nënshtetësinë shqiptare së bashku me të ëmën që mban edhe postin e trajneres së Kombëtares kuqezi, shihet si një nga protagonistet e skive në të ardhmen, dhe titulli i sotëm e tregon më së miri.
