By Nga Shani Pnishi
Kanadaja planifikon të mirëpresë një rekord prej 500,000 banorësh të rinj të përhershëm në vitin 2025 dhe ka rritur objektivat e saj për dy vitet të ardhshme.
“Vendi ynë do të rrisë numrin e pranimit të emigrantëve për të trajtuar një mungesë akute të fuqisë punëtore”, tha Ministri i Emigracionit Sean Fraser.
Kanadaja do të pranojë rreth 465,000 banorë të rinj të përhershëm në 2023, katër për qind më shumë nga objektivi i mëparshëm dhe 485,000 në 2024, që llogaritet 7.5 për qind më shumë.
“Plani i niveleve të imigracionit të këtij viti do t’i ndihmojë bizneset të gjejnë punëtorët që u nevojiten,” tha Fraser.
Ai shtoi se objektivat e reja do të lejojnë gjithashtu Kanadanë të përmbushë angazhimet për të ndihmuar ata që ikin nga dhuna dhe lufta në vendet e tyre. K
anadaja parashikohet të zvogëlojë numrin e refugjatëve të ndihmuar nga qeveria me rreth një të tretën, nga 23,550 në 2023 në 15,250 në 2025.
Kryeministri Justin Trudeau ka rritur ndjeshëm nivelin e imigracionin që nga marrja e pushtetit në 2015. Vendi është në rrugën e duhur për të kapërcyer objektivin e tij prej rreth 431,000 të ardhurve këtë vit.
Kanadaja po lufton me një mungesë akute të punëtorëve, veçanërisht në zanate dhe industri, si kujdesi shëndetësor.
Të dhënat më të fundit të vendeve të lira të punës treguan se kishte 958,500 vende të hapura në Kanada në gusht dhe 1.0 milion njerëz të papunë.
Shumë nga të papunët nuk kanë aftësitë, ose nuk jetojnë në zonat e duhura të vendit, për të plotësuar ato pozicione të hapura.
Objektivat e rinj pritet të rrisin numrin e emigrantëve ekonomikë me rreth 13 për qind midis 2023 dhe 2025, me rritje të mprehta në programet relativisht të vogla rajonale që ndihmojnë në kanalizimin e njerëzve në provincat dhe rajonet jashtë qendrave të mëdha urbane. Një numër rekord i kanadezëve tani po dalin në pension, duke përshpejtuar një eksod masiv të punëtorëve më të aftë të Kanadasë dhe duke i lënë bizneset të rraskapitura.
