By Nga Shani Pnishi
Shpërndahen librat në shkollat shqipe në Kanada
Të shtunën e kaluar ka filluar viti i ri shkollor 2020-2021 për shumicën e klasave të gjuhës shqipe në Kanada, ku shkaku i pandemisë COVID- 19, këtë vit kryesisht do të zhvillohet online. Mësuesit dhe aktivistët e shoqatave shqiptare në mbarë Kanadanë me vite të tëra, sidomos kohëve të fundit, kanë ofruar kontribut të veçantë për ruajtjen e gjuhës, kulturës e traditës shqiptare, qoftë duke mbajtur gjallë shkollat, qoftë duke aktivizuar të rinjtë në aktivitetet e shumta komunitare këtu.
Dy ambasadorët tanë në Kanada, ai i Shqipërisë Ermal Muca dhe ai i Kosovës Adriatik H Kryeziu, në takimet që patën me udhëheqës shoqatash dhe mësuesit e gjuhës shqipe, dhuruan libra dhe materiale shkollore, të dërguara nga Qendra e Botimeve të Diasporës. Aty përfshihen një numër i konsiderueshëm abetaresh, libra për mësimin e shqipes dhe një sërë titujsh për lexime jashtëshkollore, si fjalorë dygjuhësh shqip e anglisht dhe disa libra klasikë si “Princesha Argjiro” e Ismail Kadaresë dhe “Tregime të Moçme Shqiptare” të Mitrush Kutelit. Ndër botimet tjera, shkollat e gjuhës shqipe në Kanada do të kenë dhurata edhe botimet dygjuhëshe (shqip dhe anglisht) të Qendrës së Botimeve për Diasporën si “E bukura dhe bisha” dhe “Ujku dhe shtatë kecat”, dy nga përrallat e dashura për fëmijët, pjesë e ciklit “Klasikët Dygjuhësh”.
Librat dhe mjetet shkollore të ardhura nga atdheu u dorëzuan fizikisht në Toronto, Ottawa, Hamilton, London dhe Kitchener, ndërsa në Calgary, Regina, Winnipeg e qytete të tjera janë dërguar me postë ditë dhe javë më parë.
Mësuesi prej nëntëmbëdhjetë vitesh i Gjuhës Shqipe në Toronto Astrit Demaliaj shprehet i kënaqur me vizitën me “duar plot” të përfaqësuesve të Shqipërisë dhe Kosovës në ambientet e Shoqatës së Bashkësisë Shqiptaro- Kanadeze të Torontos, ku ishin të pranishëm edhe mëses të tjerë të klasave shqipe. Ai thekson se librat dhe materialiet janë një ndihmë shumë e madhe për nxënësit, dhe tregon se dhurata të tilla nuk kanë munguar as në të kaluarën.
Ish- kryetari i Shoqatës Shqiptare të Hamiltonit, aktivisti dhe mësuesi Refki Sertolli ka përgëzuar ambasadorët për sjelljen e librave. “Jemi krenar e të lumtur që ata vazhdojnë të sjellin libra shkollave që veprojnë në kuadër të shoqatave. Kjo vizitë me plot libra shqip shërben si udhërrëfyes për ne që vetëm së bashku mund të arrijmë të ruajmë e kultivojmë gjuhën, traditën dhe vlerat tona kombëtare”. Ai gjithashtu ka kërkuar nga institucionet përgjegjëse që të shihet mundësia e bashkëpunimit të vendeve tona me Kanadanë për të mundësuar shtypjen e librave me tirazh më të lartë në Kanada që të kemi kosto më të ulët dhe sasi më të konsiderueshme librash.
Mësueset e Shkollës Shqipe në Ottawa, Tana Spirollari dhe Feti Hoxha me të pranuar librat kanë postuar në faqen e kësaj shkolle në Facebook lajmin me entuziazëm. “Nëpërmejt këtij komunikimi dëshirojmë të falënderojmë Ambasadën e Republikës së Shqipërisë për një sërë librash që i dhuruan komunitetit dhe shkollës së mësimit të gjuhës shqipe këtu në Ottawa. Me një kënaqësi të veçantë ju informojmë që janë në dispozicion të nxënësve që janë fillestarë në mësimin e gjuhës shqipe. Ndërkohë për nxënësit me njohuri gjuhësore të gjuhës shqipe më të avancuar do kenë mundësi të lexojnë libra jashtëshkollor e do vazhdohet të punohet me librat që janë shpërndarë më parë. Këto libra do të jenë një dhuratë e kujtim shumë i bukur për nxënësit e shkollës sonë në një rrugë të gjatë për të mësuar gjuhën e dashur të prindërve të tyre”- thuhet ndër të tjera në postimin e tyre.
Edhe mësuesja e Shkollës Shqipe në qytetin e Kitchenerit Kela Hyseni, e cila ka përvojë shtatë vjeçare në mësimdhënie në këtë shkollë, në ambientet e Shtëpisë Shqiptare në Hamilton mori një tufë librash për nxënësit e saj. Ajo për gazetën “Diaspora Shqiptare” ka shprehur mirënjohjen e saj për ambasadorët rreth pajisjes së shkollës së saj me libra shqip. “Duam njëkohësisht t’i falënderojmë për këtë iniciativë të mrekullueshme dhe ndihmën që më jep mua ardhja e këtyre librave mua si mësuese në përgatitjen e mësimit”- thekson ajo.
Dy ambasadorët, dhe udhëheqësit e shoqatave, nëpër të gjitha takimet falënderuar mësuesit dhe mësueset e përkushtuar të gjuhës shqipe, veçanërisht gjatë kësaj periudhe të pandemisë, të cilët kanë punuar nga shtëpitë e tyre duke improvizuar metoda të reja të mësimit online të gjuhës shqipe, e që do të vazhdojë edhe në vitin e ri shkollor.Të shtunën e kaluar ka filluar viti i ri shkollor 2020-2021 për shumicën e klasave të gjuhës shqipe në Kanada, ku shkaku i pandemisë COVID- 19, këtë vit kryesisht do të zhvillohet online. Mësuesit dhe aktivistët e shoqatave shqiptare në mbarë Kanadanë me vite të tëra, sidomos kohëve të fundit, kanë ofruar kontribut të veçantë për ruajtjen e gjuhës, kulturës e traditës shqiptare, qoftë duke mbajtur gjallë shkollat, qoftë duke aktivizuar të rinjtë në aktivitetet e shumta komunitare këtu.
Dy ambasadorët tanë në Kanada, ai i Shqipërisë z. Ermal Muça dhe ai i Kosovës z. Adriatik Kryeziu, në takimet që patën me udhëheqës shoqatash dhe mësuesit e gjuhës shqipe, dhuruan libra dhe materiale shkollore, të dërguara nga Qendra e Botimeve të Diasporës. Aty përfshihen një numër i konsiderueshëm abetaresh, libra për mësimin e shqipes dhe një sërë titujsh për lexime jashtëshkollore, si fjalorë dygjuhësh shqip e anglisht dhe disa libra klasikë si “Princesha Argjiro” e Ismail Kadaresë dhe “Tregime të Moçme Shqiptare” të Mitrush Kutelit. Ndër botimet tjera, shkollat e gjuhës shqipe në Kanada do të kenë dhurata edhe botimet dygjuhëshe (shqip dhe anglisht) të Qendrës së Botimeve për Diasporën si “E bukura dhe bisha” dhe “Ujku dhe shtatë kecat”, dy nga përrallat e dashura për fëmijët, pjesë e ciklit “Klasikët Dygjuhësh”.
Librat dhe mjetet shkollore të ardhura nga atdheu u dorëzuan fizikisht në Toronto, Ottawa, Hamilton, London dhe Kitchener, ndërsa në Calgary, Regina, Winnipeg e qytete të tjera janë dërguar me postë ditë dhe javë më parë.
Mësuesi prej nëntëmbëdhjetë vitesh i Gjuhës Shqipe në Toronto Astrit Demaliaj shprehet i kënaqur me vizitën me “duar plot” të përfaqësuesve të Shqipërisë dhe Kosovës në ambientet e Shoqatës së Bashkësisë Shqiptaro- Kanadeze të Torontos, ku ishin të pranishëm edhe mëses të tjerë të klasave shqipe. Ai thekson se librat dhe materialiet janë një ndihmë shumë e madhe për nxënësit, dhe tregon se dhurata të tilla nuk kanë munguar as në të kaluarën.
Ish- kryetari i Shoqatës Shqiptare të Hamiltonit, aktivisti dhe mësuesi Refki Sertolli ka përgëzuar ambasadorët për sjelljen e librave. “Jemi krenar e të lumtur që ata vazhdojnë të sjellin libra shkollave që veprojnë në kuadër të shoqatave. Kjo vizitë me plot libra shqip shërben si udhërrëfyes për ne që vetëm së bashku mund të arrijmë të ruajmë e kultivojmë gjuhën, traditën dhe vlerat tona kombëtare”. Ai gjithashtu ka kërkuar nga institucionet përgjegjëse që të shihet mundësia e bashkëpunimit të vendeve tona me Kanadanë për të mundësuar shtypjen e librave me tirazh më të lartë në Kanada që të kemi kosto më të ulët dhe sasi më të konsiderueshme librash.
Mësueset e Shkollës Shqipe në Ottawa, Tana Spirollari dhe Feti Hoxha me të pranuar librat kanë postuar në faqen e kësaj shkolle në Facebook lajmin me entuziazëm. “Nëpërmejt këtij komunikimi dëshirojmë të falënderojmë Ambasadën e Republikës së Shqipërisë për një sërë librash që i dhuruan komunitetit dhe shkollës së mësimit të gjuhës shqipe këtu në Ottawa. Me një kënaqësi të veçantë ju informojmë që janë në dispozicion të nxënësve që janë fillestarë në mësimin e gjuhës shqipe. Ndërkohë për nxënësit me njohuri gjuhësore të gjuhës shqipe më të avancuar do kenë mundësi të lexojnë libra jashtëshkollor e do vazhdohet të punohet me librat që janë shpërndarë më parë. Këto libra do të jenë një dhuratë e kujtim shumë i bukur për nxënësit e shkollës sonë në një rrugë të gjatë për të mësuar gjuhën e dashur të prindërve të tyre”- thuhet ndër të tjera në postimin e tyre.
Edhe mësuesja e Shkollës Shqipe në qytetin e Kitchenerit Kela Hyseni, e cila ka përvojë shtatë vjeçare në mësimdhënie në këtë shkollë, në ambientet e Shtëpisë Shqiptare në Hamilton mori një tufë librash për nxënësit e saj. Ajo për gazetën “Diaspora Shqiptare” ka shprehur mirënjohjen e saj për ambasadorët rreth pajisjes së shkollës së saj me libra shqip. “Duam njëkohësisht t’i falënderojmë për këtë iniciativë të mrekullueshme dhe ndihmën që më jep mua ardhja e këtyre librave mua si mësuese në përgatitjen e mësimit”- thekson ajo.
Dy ambasadorët, dhe udhëheqësit e shoqatave, nëpër të gjitha takimet falënderuar mësuesit dhe mësueset e përkushtuar të gjuhës shqipe, veçanërisht gjatë kësaj periudhe të pandemisë, të cilët kanë punuar nga shtëpitë e tyre duke improvizuar metoda të reja të mësimit online të gjuhës shqipe, e që do të vazhdojë edhe në vitin e ri shkollor.
