Nga Shani Pnishi
Oli Pero është një vajzë shkodrane që jeton në Montreal të Kanadasë. Ajo ka mbaruar studimet për financë dhe kontabilitet në Universitetin e Shkodrës. Është themeluese e një organizate vullnetare që quhet “Animals Need Me”, veprimtaria e së cilës është e bazuar në Shkodër.
“I shkruajmë këto rreshta, jo pa emocione.
![](https://ampress.ca/wp-content/uploads/2023/05/333249556_534062615507221_185548715300055258_n-1014x1024.jpg)
Mbas 10 viteve punë e përpjekje, mbas shumë mundimeve e sakrificave, organizata jonë, bëhet e para në Shqipëri që arrin një marrëveshje bashkëpunimi me bashkinë e qytetit, për menaxhimin e strehës së qenve endacakë.”- shkruan ajo në profilin e saj në Facebook. “Është një moment historik, jo vetëm për ne por një fitore shpresëdhënëse edhe për organizatat e tjera.
![](https://ampress.ca/wp-content/uploads/2023/05/344653062_572325268323580_7283745635959958659_n-1024x576.jpg)
Në një shtet si ky i yni, që numëron pafund abuzime me kafshët e rrugës (edhe në formë institucionale), një marrëveshje e tillë i hap rrugë trajtimit adeguat të fenomenit. Bashkia e Shkodrës, me ato pak mundësi që ka patur, është e para dhe e vetmja që ka treguar konsistencë dhe vullnet për zgjidhje.
Falenderojmë Z. Bardh Spahia, nënkryetarin Z. Tonin Dedaj dhe drejtorin e veterinarisë Z. Alban Sekja për besimin dhe bashkëpunimin!”- vazhdon znj. Pero.
Në fund ajo premton se do të bëjë më të mirën e saj për strehëzën publike, qentë në kushte rruge dhe edukimin e komunitetit.
![](https://ampress.ca/wp-content/uploads/2023/05/343277930_1446687696146522_1796605165740124214_n-768x1024.jpg)
![](https://ampress.ca/wp-content/uploads/2023/05/343585039_280090964368736_3151651085276692363_n.jpg)
![](https://ampress.ca/wp-content/uploads/2023/05/343247748_1944311429250311_2615336198710336547_n-768x1024.jpg)
![](https://ampress.ca/wp-content/uploads/2023/05/344808542_140273629050450_8537625175579613343_n-1024x609.jpg)