By Toronto-Kanada
Shoqata e Bashkësisë Shqiptaro-Kanadeze njofton shqiptarët me banim ne Kanada se gjatë muajve mars dhe prill do të organizojë seminare të përjavshme me tematikë shëndetësor për moshat e treta.
Temat që do të trajtohen janë “Stresi dhe menaxhimi i tij” nga Ruki Kondaj (njëherësh edhe koordinatore e këtij projekt), doktore e shkencave farmaceutike, “Kujdesi për të moshuarit në kohën e COVID-it”, nga doktoresha mjekja e familjes Juliana Gorja, “Ushtrimet fizike në kushtet e shtëpisë” nga dr. Alban Merepeza mjek kiroprakter si dhe “Kujdesi ndaj shëndetit të gojës dhe të dhëmbëve’ nga dr. Holta Këllezi, dentiste.
Seminaret do të mbahen përmes internetit në platformën Zoom. Ky seminar u vjen në ndihmë bashkatdhetarëve me këshilla të vlefshme gjatë kohës së mbylljes dhe izolimit fizik nga masat e mara nga autoritet kanadeze. \gazetadiaspores\
