By Pas promovimit të suksesshëm të librit ‘Apostulli’ vëllimi i parë i një biografie për Fan Nolin nga studiuesi Ilir Ikonomi të enjten më 24 tetor, në hotel Xheko Imperial (Karlsbergu) në Tiranë do të promovohet REBELI libri i dytë në serinë e biografisë së Fan Nolit, nga Ilir Ikonomi.
Autori i këtij libri ndau me ndjekësit në statusin e tij në rrjetet sociale se ky është botim i UET Press dhe përshkruan në 425 faqe Nolin e viteve 1920-1924. Ilir Ikonomi thotë se ky libër është fryt i kërkimeve të gjata nëpër arkivat e botës”, janë dokumente që i kisha mbledhur prej kohe por që i hodha në libër gjatë vitit të fundit”.
Më tej Ikonomi shkoqitë se këtu në këtë volum janë gjashtë muajt e Nolit si kryeministër, qershor-dhjetor 1924, të cilat zënë një vend të veçantë në këtë vëllim dhe ju do të njiheni episod pas episodi me Shqipërinë e asaj kohe, e cila në disa drejtime mund të thuhet se ka ngjashmëri me të sotmen, sidomos përsa i përket luftrave të ashpra politike që e zhytën vendin në kryengritje.
Nicholas C. Pano, Profesor Emeritus në Universitetin Western Illinois të SHBA, e ka nderuar duke shkruar parathënien e këtij vëllimi pohon Ikonomi duke shtuar se profesor Pano e quan librin REBELI “një ndërthurje mjeshtërore.
Në fund Ilir Ikonomi i cili ndodhet në Tiranë ftonë të gjithë lexuesit për phesëmarrje në promovimin që bëhet të enjten më 24 tetor, ora 18:00 në hotel Xheko Imperial (Karlsbergu) në Tiranë.
Kujtojmë se në turneun e promovimit të vëllimit të parë, Fan Noli – Apostulli, kryeqytetet shqiptare patën rastin të njihnin nga afër këtë botim. I njëjti fat i buzëqeshi edhe diasporës shqiptare në Amerikën e Veriut, duke nderuar autorin me takime letrare. Ikonomi e solli Nolin dy herë në Kanada: në muajin qershor në Toronto, ndërsa më 6 tetor, komuniteti shqiptar në Montreal pati mundësinë të njihej nga afër me botimin dhe autorin e biografisë.
Albanian Montreal Press, në bashkëpunim me Shoqatën Kulturore Shqiptare të Montrealit, organizuan këtë takim letrar vjeshte, duke u angazhuar për një ftesë të re ndaj Ilir Ikonomit për të sjellë një tjetër promovim të veprës së tij, këtë herë me librin Rebeli.
