Shtëpia Shqiptare në Hamilton të dielën, me thirrjen e Konsullatës së Përgjithshme të Kosovës në Toronto, bashkoi shumicën e shoqatave aktive të komunitetit tonë në Ontario, përfshirë këtu edhe aktivistë të devotshëm që kanë kontribuar dhe vazhdojnë ta japin ndihmën e tyre në forma të ndryshme. Të pranishëm në mbledhje ishin përfaqësues nga: Shoqata e Bashkësisë Shqiptaro- Kanadeze e Torontos, Shoqata Shqiptare e Hamiltonit, Shoqata Shqiptaro- Kanadeze “Iliria” e Londonit, Rrjeti i Bizneseve Shqiptare në Kanada, Shoqata Shqiptaro- Kanadeze “Bashkimi Kombëtar” nga Kitcheneri, RH Scholarship nga Toronto, Xhamia Shqiptare e Torontos dhe Shoqata e Studentëve Shqiptarë në York University në Toronto. Në mbledhje u diskutuan çështje të rëndësishme të komunitetit tonë, dhe u pajtuan që të rritet bashkëpunimi i shoqatave me organizime të përbashkëta. Gjithashtu pati pajtueshmëri që të punohet më shumë për integrimin e profesionistëve në shoqërinë politike kanadeze, dhe përfshirjen e rinisë dhe studentëve nëpër organizatat e diasporës sonë në Ontario.
Në një postim në Facebook, Konsullata e Kosovës në Toronto shkruan: “Tema kryesore e diskutimit ishte se si ta ngrisim organizimin e mërgatës sonë në një nivel më të mirë, në një nivel tjetër që do të hapte rrugë edhe perspektiva të reja për mërgatën tonë. Të gjithë të pranishmit pa përjashtim u pajtuan që punët që janë bërë deri tash kanë qenë një kontribut i çmuar për të gjithë, por dinamikat dhe ndryshimet e përgjithshme shtrojnë nevojën e dinamizmit dhe përshtatjes edhe të mërgatës sonë”.
Mbledhja e radhës do të mbahet në janar të vitit 2024. – Nga Shani Pnishi
![](https://scontent-lga3-2.xx.fbcdn.net/v/t39.30808-6/398985802_248236661579141_8336284844207217114_n.jpg?stp=cp6_dst-jpg_p480x480&_nc_cat=107&ccb=1-7&_nc_sid=5f2048&_nc_ohc=X1_hcfaqeJwAX9vfyFq&_nc_ht=scontent-lga3-2.xx&oh=00_AfDypCPrSWU3bGYMqYI9zMiqVavBOZKUfxO6X8SCSrMmiA&oe=65504DBB)
![](https://scontent-lga3-2.xx.fbcdn.net/v/t39.30808-6/398958470_248236528245821_8461557833389348102_n.jpg?stp=cp6_dst-jpg_p480x480&_nc_cat=104&ccb=1-7&_nc_sid=5f2048&_nc_ohc=z9M_WlA7bu4AX8gxokm&_nc_ht=scontent-lga3-2.xx&oh=00_AfB63iJPwIXF6JU87w2CPTh7befC1KrjS35V2ya23oDwGQ&oe=65500B75)
![](https://scontent-lga3-1.xx.fbcdn.net/v/t39.30808-6/398964590_248236598245814_6099644299663750067_n.jpg?stp=cp6_dst-jpg_p480x480&_nc_cat=106&ccb=1-7&_nc_sid=5f2048&_nc_ohc=-9LeknvPhw8AX8WLJEI&_nc_ht=scontent-lga3-1.xx&oh=00_AfCBlpurMo97oC6q6hD8YCLY-0xoq_q0DXA2XpyhYzMo9A&oe=654F12E1)
![](https://scontent-lga3-2.xx.fbcdn.net/v/t39.30808-6/399005519_248236564912484_4296428862190805988_n.jpg?stp=dst-jpg_p480x480&_nc_cat=109&ccb=1-7&_nc_sid=5f2048&_nc_ohc=sm3qc1fAj8IAX86HLSw&_nc_ht=scontent-lga3-2.xx&oh=00_AfD680ZZT4ofWRGUZExf_WBqTJQmDNpQfRPv7mxMG1pfZg&oe=6550073B)
![](https://scontent-lga3-2.xx.fbcdn.net/v/t39.30808-6/398956065_248236524912488_8634523274547148299_n.jpg?stp=cp6_dst-jpg_p480x480&_nc_cat=100&ccb=1-7&_nc_sid=5f2048&_nc_ohc=uWVoYlW4d5cAX8uujPb&_nc_ht=scontent-lga3-2.xx&oh=00_AfBHE0DWMREt1X8XNSECeCAp4p75F5kU3X0p1TKqFtYk0w&oe=654F7614)