By Gjenerata Z po përjeton atë që asnjë brez nuk duhet ta përjetojë: përballjen me shtetin e vet!
Duhej të vinte një moment kur një brez të ngrinte kokën e të thoshte: STOP! Nuk duam të na përzini nga vendi ynë! Duam të jemi zotër të vendit tonë, jo të endemi dyerve të botës si punëtorë shërbimi!
Dhe ky moment erdhi me një brez që ende s’e ka tharë qumështin e nënës në buzë. Brezi i shekullit të ri. Brezi Z!
Nga protesta e paqtë e Flamingove, që tërhoqi vëmendjen e botës, te rrugët e Tiranës të mbuluara nga gazi lotsjellës.
Gaz lotsjellës. Tym. Shkopinj gome. Frikë. Zemërim. Revoltë.
Si arritëm deri këtu? Kush mban përgjegjësi?
Unë jam Blerina Ruka dhe, në emër të Albanian Montreal Press, e kam ndjekur Revolucionin e Flamingove që nga dita e parë.
Pesë javë në terren. Transmetime direkte. Intervista. Dëshmi. Zëra që kërkojnë ndryshim.
Që në javën e parë mobilizova komunitetin shqiptar në Montreal, duke e bashkuar me diasporën në mbështetje të protestuesve.
Prej pesë ditësh, korrespondentët e Ampress dhe kolegë dokumentojnë përshkallëzimin e dhunës, duke rrezikuar sigurinë e tyre.
Çdo video që marr më dhemb. Çdo pamje që publikoj më trondit. Por e vërteta nuk mund të fshihet pas tymit të gazit lotsjellës!
Policia duhet të mbrojë qytetarët, jo t’i trajtojë si armiq.
Asnjë uniformë nuk qëndron mbi ligjin!
Asnjë pushtet nuk qëndron mbi popullin!
Sot një brez tjetër po lufton që të mos marrë të njëjtën rrugë.
Sa breza duhet të humbasë ende Shqipëria?
Demokracia nuk mbahet me gaz lotsjellës. Besimi nuk fitohet me forcë.
EDI RAMA, DORËHIQU!
As ty nuk të duhet një Tiranë e djegur!
As Shqipërisë nuk i duhet një tjetër tragjedi kombëtare!
ASNJË KARRIGE NUK VLEN SA JETA E NJË TË RIU!
Këta të rinj nuk janë vetëm. Pas tyre janë familjet, prindërit dhe diaspora.
Shqipëria ka humbur mjaftueshëm njerëz, vite dhe shpresa.
TË RINJTË NUK JANË ARMIKU I SHQIPËRISË. JANË E ARDHMJA E SAJ!
SHQIPËRIA ËSHTË E JONA!
