By Fotot e Dua Lipës nga Kep Merli, të publikuara gjatë pushimeve të saj në jug të Shqipërisë, nuk gjenden më në profilin e saj në Instagram. Pamjet, të cilat dikur ishin ndër postimet më të komentuara të artistes për Shqipërinë, vijojnë të qarkullojnë në media dhe në profile të familjarëve të saj.
Largimi i postimeve ka tërhequr vëmendje pasi vjen pak ditë pas deklaratave të këngëtares në podcastin e Lea Ypit, ku ajo u shpreh kritike ndaj ndërtimeve në zonat e mbrojtura dhe mbështeti protestat qytetare për mbrojtjen e mjedisit.
“Është frymëzuese të shohësh njerëzit që kujdesen për këtë çështje. Më shqetëson fakti që ligjet për mbrojtjen e mjedisit janë ndryshuar pa konsultim publik”, u shpreh Dua Lipa gjatë intervistës.
Fshirja e fotove ka nxitur diskutime në rrjetet sociale, pasi Kep Merli është një zonë që ka qenë shpesh në qendër të debateve për zhvillimin urban dhe ndërhyrjet në bregdet
