By Komuniteti shqiptar në Montreal vijon mobilizimin në mbështetje të protestës qytetare në Tiranë
Montreal, Kanada – Komuniteti shqiptar në Montreal njofton se do të vijojë të mblidhet çdo të diel, në shenjë solidariteti dhe mbështetjeje për protestën qytetare që po zhvillohet në Tiranë.
Tubimet synojnë të shprehin mbështetjen e diasporës shqiptare për kërkesat qytetare, duke theksuar rëndësinë e angazhimit demokratik, transparencës dhe mbrojtjes së interesit publik.
Në ditët në vijim, komuniteti shqiptar në Montreal do të publikojë edhe një deklaratë të përbashkët zyrtare, ku do të shprehet qëndrimi i diasporës lidhur me zhvillimet në Shqipëri dhe mbështetja e saj për protestën qytetare.
Komuniteti u bën thirrje të gjithë shqiptarëve që jetojnë në Montreal dhe rrethinat e tij t’i bashkohen këtyre tubimeve paqësore, duke dëshmuar se distanca gjeografike nuk e zbeh lidhjen me atdheun dhe përgjegjësinë qytetare.
Komuniteti Shqiptar në Montreal
Montreal, Kanada
