Deklaratë në lidhje me situatën e pa preçedent në Shqipëri!

Deklaratë në lidhje me situatën e pa preçedent në Shqipëri!

Diaspora për Shqipërinë e Lirë ndoqi me shumë shqetësim zhvillimet e datës 08.01.2022 në selinë e Partisë Demokratike. Këto ngjarje shënojnë një përshkallëzim të rrezikshëm nëradhët e një opozite, e cila ka dështuar në përmbushjen e aspiratave të popullit opozitar për një përballje të denjë me pushtetin abuziv dhe kastën e korruptuar që drejton sotvendin.Lëvizja, duke patur frymë opozitare ndaj çdo pushteti abuziv që drejton, dhe mund të drejtojë në të ardhmen vendin, konstaton se opozita sot e gjen veten në një bilanc negativ të trashëguar prej vitesh dhe skizma e djeshme rrezikon ta lerë vendin në kushtet e një vakumi të frikshëm opozitar i cili do të kthehej në oksigjen të pa merituar për qeverinë.Duke marrë shkas nga ngjarjet e djeshme dhe nga situata delikate në të cilën ndodhet opozita, Lëvizja dënon me ashpërsi çdo formë dhune nga kushdo, duke përfshirë këtu shfrytëzimin për motive politike të forcave policore dhe përdorimin disproporcional të lëndëve helmuese ndaj protestuesve.
Çjerrja e maskës së kësaj klase politike që pretendon të luftojë dhe të mbrojë interesat e njerëzve që përfaqësojnë, dhe hipokrizia e tyre me kauza parimore doli në dritë duketreguar se janë në gjëndje të bëjnë gjithcka të ulët vetëm për hir të pushtetit dhe të interesave të tyre personale.
Si rrjedhim ne gjykojmë se Partia Demokratike sot ka pushuarsë ekzistuari si një forcë e vërtete demokratike dhe opozitare!I bëjmë apel popullit shqiptar të refuzojnë gjëndjen aktuale në Shqipëri, e cila është një rezultat i drejtpërdrejt i ligështimit të shoqërisë shqiptare, në vetvete një pasojë e ç’tjetërsimit të së drejtës së votës, të mungeses së praktikave dhe vlerave demokratike, dhe të heqjes së shpresës që rrjedhin nga politika të vazhdueshme antishqiptare për interesa personale.
Duke parë këtë realitet dhe vështirësite e mëdha, Lëvizja i bën thirrje popullit opozitar shqiptar dhe të gjithë atyre të cilët duan një Shqipëri më të lirë, të hedhin poshtë modelet udhëheqëse të së kaluarës dhe inkurajon (ri)krijimin e një force të vertetë opozitare në rrugë demokratike që reflekton pasurinë intelektuale dhe njerëzore të shoqërisë shqiptare, për t’i rikthyer shpresën Shqipërisë dhe për të evituar rëshqitjen e mëtejshme të vendit drejt nje shteti e regjimi autoritar.Diaspora për Shqipërinë e Lirë
#diasporaleviz

administrator

Related Articles

Leave a Reply

Your email address will not be published. Required fields are marked *