By Përfaqësues të Europa Nostra kanë parë nga afër dëmtimet te monument i Kulturës, ‘Ura e Zogut’ në Milot, për të parë mundësinë e rikonstruksionit të saj. Madje arkitektja e kësaj organizate i kërkon qeverisë që të ndalojë marrjen e inerteve ne lumin Mat.
Ura e Zogut është shpallur një nga shtatë monumentet më të rrezikuara në Europë, arsye për të cilën ekspertë dhe inxhinier të organizatës “Europa Nostra”, zbriten në tërren për të parë nga afer gjendjen gjendjen e saj. Synimi i tyre është gjetja e një zgjidhjeje për të shmangur shembjen e këtij monumenti.
Inxhinier dhe përfaqësues të Europa Nostrës si dhe shoqatës shqiptarë të inxhinierëve konsulentë zbarkuan te Ura e zogut në Milot për të parë nga afër monumentin e kulturës që rrezikon të shembet. Eksperti i Europa Nostra, Peter Bond, tha se po shohim të gjitha mundësitë dhe mënyrat për ta shpëtuar urën e ‘Zogu’
Lida Miraj Arkitekte, anëtare e Europa Nostra se bashku me ekspertet po i nënshtrohemi një analize të thellë, përforcimi apo restaurimi si dhe kërkon nga shteti ndalimin e marrjes së inerteve në shtratin e lumit Mat.
Ish-prefekti Gjokë Jaku tha se edhe pse që në 2019 rritëm alarmin për rrezikimin e kësaj vepre të rrallë, shteti e braktisi totalisht. Ndërkohë që aktivist dhe qytetar të ndryshëm i kërkojnë institucioneve të ndërhyjnë për të shpëtuar nga shembja këtë monument e kulturë, por që deri më tani nuk ka pasur asnjë reagim.
“Ura e Zogut” konsiderohet kryevepër e inxhinierisë civile e fillimit të shekullit 20 në Ballkan. U ndërtua në vitin 1927 në veri të Shqipërisë dhe lidhte dy anët e Lumit Mat përmes arkitekturës fine me harqe çeliku.
Pas viteve ’90 “Ura e Matit” siç njihet ndryshe, doli jashtë funksionit për automjetet dhe në vitin 1999 u shpall monument kulture. Megjithatë banorët e zonës vijonin të përdorinin si urë këmbësore, deri sa në vitin 2021 një prej këmbëve të saj çedoi dhe u zhyt në shtratin e Lumit Mat, duke rrezikuar shembjen.
Kjo urë është pjesë e memories së kombit, e përfaqëson një kohë kur orientimi i vendit ishte drejt Perëndimit, strehës natyrale të Shqipërisë.
